Vera tecrîdo ke dewleta tirkî serê Rayberê Şarê Kurdî Abdullah Ocalanî de dana domnayene, Ewropa de çalakîyî vila benî. Xeylî welatan de tecrîd û qerarê Amerîka ameyî protestokerdene.
Bajarê Marsîlya yê Fransa de verê walîtîye û konsolosxaneyê Amerîka de çalakîyêk ameye viraştene. Çalakîkeran bi beyraqanê PKK û KCKyî qerarê Amerîka şermezar kerd. Bajarê Bordeauxî de zî rayberîya Têvgerê Ciwanên Şorişgêrî de çalakîya bêîtaatî ya sivîle ameye viraştene. Çalakîkeran qerarê Amerîka protesto kerd û azadîya Ocalanî waşte.
Bajarê Hamburgî yê Almanya de zî çalakîya protestoyî estbî. Çalakîkeran mîtînge de qerarê Amerîka şermezar kerd û mesajê xurtkerdişê têkoşînî da. Çalakîyê Hamburgî do hewtêyek bêmabên dewam bikerî. Çalakîya ewro saat 17.00 semtê Jungferstieg de do bêro viraştene.
Bajarê Cenevre yê Swîsre de zî Têvgerê Ciwanên Şorişgêrî çalakî organîze kerde. Verê Ofîsê Yewîya Mîletan de bi çalakîya çadire ke do hîrê roje bidomîyo, ameye destpêkerdene. Bajarê Bernî de zî semedê protestokerdişê tecrîdî û qerarê Amerîka çalakîyêk ameye viraştene. Bi heman waştişî bajarê Stockholmî yê Swêdî de zî kurdîstanijî û dostê înan meydanan de bî. Verê Parlamento de xeyme ameye ronayene.
Paytextê Yewnanîstanî Atîna de zî çalakîkeran çalakîya nobete qedêna û da zanayene ke ê do bi çalakîyanê cîyayan têkoşînê xo rê dewam bikerî. Paytextê Belçîka Brukselî de zî vera qerarê Amerîka de kurdîstanijî kuçeyan de bî. Çalakîkeran qerarê Amerîka protesto kerd û azadîya Ocalanî waşte.
ANF / BRUKSEL