Zîndanê Kampusî yê Xarpêtî yo ke roja ke ameyo akerdene ra nata bi xeberanê binpaykerdişê heqan û muameleyo xirab rojeve de yo de hepsîyê çalakwanî sewqê nêweşxaneyî nêbîyî.
Hemserekê Komeleya Huqûqnasan a Seba Azadîye (OHD) Bunyamîn Şerkero ke Heyetê Şopnayîşê Grevê Vemşanîye de ca gêno, derheqê rawşa xoverdayoxan de qisey kerd. Şekerî vist vîrî ke înan qedîyayîşê grevê vêşanîye û rojeyê mergî ra dima bi masayêka krîzî û heyetê şopnayîşî dest bi xebate kerd û wina va: “Ma 8 cayî sey cayanê krîtîkan dîyar kerdî û seba ke tedawîya xoverdayoxan goreyê rewşa înan bêro kerdene, embazê xo yê avûkatî nê bajaran ra vila kerdî. 26ê Gulane ra heta 27ê Gulane ma nê herêman de mendî.”
Şekerî da zanayene ke Erzîngan, Meletî û Elbîstan de seba ke xoverdayoxî zaf nêbî, problemêk nêvejîya û wina dewam kerd: “Zîndanê Xarpêtî yo ke 12 xoverdayoxî menganê Kanûne û Çileyî ra dest bi grevî kerdbî estî de hema zî binpaykerdişê heqan dewam keno. Nê xoverdayoxî nêweşxane rê nêameyî sewqkerdene. Ma her roje şinê Zîndanê Xarpêtî û babete ser o îdare û dozgerî dir yenê têhet. Ê vanê ke ê hesas nizdîyê çalakgerên bene, la xoverdayoxî wina nêvanê. Xoverdayoxê ke grûba verêne de bî înan ra tayî goreyê lîsteyê dîyetî yê doktorî wer dîyeno înan la qismêkê înan rê no lîste nêno bicaardene. Ê ke nêrehetîye madeyî ancenê zî sewqê nêweşxaneyî nêbîyî. Waştişê ma o yo ke meşirê nêweşxane zî wa kantînan de lîsteyê dîyetî bibo. Ma do heta peynî rewşa xoverdayoxan taqîp bikerê.”
ANF / AMED