Hemwelatîyê ke ser rayîrê qezaya Erdîşî ya Wanî de cuyenî, debara xo bi çîyê ke bostanê xo de resnenî, kenî. Welatîyî derheqê berardiş û krîzê ekonomîye de qisey kerdî. Hemwelatîyî sebzeyê bostananê xo yê sey firingî, xiyar, beşîla (petêx), zebeş, îsot, fasule û çîyanê bînan anê roşenê û hemwelatîyê ke herînenê zî kêfweş ê. Hem herînayox û hem zî berardoxî vayîya çîyan ra kêfweş î û vayîya çîyan goreyê market û manavan baş a. Heto bîn ra hemwelatîyan bale ante ser krîzê ekonomî ke her ke şono beno kûr û vatî sebebêko bîn zî krîzê ekonomi yo. Welatîyî seba berardişê mintiqa piştîdayîş nîno dayene û teşwîq nîno kerdene gerre kenî û berardoxîya herêmkî pêşnîyaz kenî.
JINNEWS / WAN