Di meşî de beşdarwanî bê mîyan dirûşmeyê ‘Do dewleta qetilkar hesab bido’ û ‘Tertele Dêrsim xo vira mekeme’ qîray.
GORISTANÊ VERÊN MA
Di meşî de hemserekê Şaredarîya Dêrsime Mehmet Alî Bul qise kerd. Bul aşkera kerd ke eke bi raştî wazîyeno se qirkerdişê Dêrsime de rîbirî bêro, ganî cayê goristanê Seyîd Riza û embazê ey dîyar bikerê.” Peynî zî hemsereka HDPa Dêrsime Fatma Kalsen qise kerd. Kalsen vat ke dewleta tirk nika peynîya no qirkerdişî vindena û israrkarake cayê goristanê verên a dêrsimijan dîyar nêkero.Pwt. Bariş Yildirim zî aşkera kerd ke dewleta tirk bi sazîyê xo seba Dêrsime raporan hadre kerd û peynîya raporan zî dewleta tirk ser Dêrsime destpê operasyonê kerd û peynî zî bi hezaran welatijê sivîl û Seyîd Riza û embazê ey amey qetilkerdiş.
DI ÎZMÎR DE ZÎ VÎRARDÎ
Endamê Komeleyê Dêrsime ya Îzmîre seba vîrardişê Seyîd Riza û embazê ey di verê Sumerbanke de aşkera day. Aşkerayî ra di zaf hûmarîy de kesî beşdar bîy. Di aşkerayî de endamê Komeleya Dêrsime ya Îzmîre Huseyîn Ozan qise kerd. Ozan vat ke bi xapenayişê dewleta tirk Seyîd Riza û embazê ey esîr girewt û peynî zî darde kerd la Seyîd Riza û embazê ey verê dewleta tirk çewt nêbîyî û no ser zî nika seba bi mîlyonan ra bîyê rayver.
DERSÎM