Heya nîka tayîne cave xo hazîro reet vane keykî tayene waşt welatema xore bîcere. Nakî rasta ma amayîm qîrkerdayîs, vesnayene xeyle tenge dîyema her çîyexo kerdwe vînt.
Ma vîndkerdayena gîrse kowt dîye kes zaneno ma srokî rayera vecîyaye, îtîqate xo wîra kerde. O waxt ma her çîye xo vînkerde. Çuke îtîkate milete kirmanc Qande binexo ju wî, heqîya xode xezayera juvî. Keyke ma, ma vene xoyo na raye kerdebe, ya raşt giran, giran ze mîlçîkane pesewe xo mara dardwe.
Ebe simserone zalimo name o kî ma nizona çiko nayve mara îtîqate mara. Soy sopema berd kerd, werte soye qewme arabo. Kerd be werte, dîne îslam. Heya “Hz. Muhammet” û çi deyî “Hz Alî” û domane xo soye xo amabi qirkerdene hormete ma cire esto, hata peynîye ma naheqsijîyere wayîr vecîneme.
Aye sero îqtîdar amabe ronişteno
Nika qesa awakî, ma nîşkînîme xo ser milete de bîn ser qewmede bînserd say bikerîme, ma ebi kirmancîya xo îtîqate xo raya xo, şînata xo e xoyeme xora rayama esta dismen verdera wazeno ma boncero wertî îslama ko “Hz. Muhammet” dimera amo be talan kerdene rastîya xora dur kowto. A îslamîyeta kî dewre, “Hz. Muhammet”te ama bi virastene wertesewede “Hz muhammet” xona meyîte xo her dibî, aye sero îqtîdar amabe ronişteno.
Ni ka teye beno ke wazene îslamîyeta rast re wayirîne bikere hurmete ma cire esto her milet îtîqate xo ebitore xo bikero. Rawa xo biramo milete kirmanc wazene kî musluman, xirîstîyan, ermenî, asurî, ezidî, elewî, raya heq her milet pî qalkune xora çitun dîyo heyn îtîkat bikero.
Nika ser îslamîyet talanode henin esto ke mordemeze fettullahe minafiq wazeno rawa ma ra ma durfîyo. Taye minafiqe kî xo name elewîtîye name kene û şire gureta xo dest hasa simara cîye xode kaykene. Boye honde vecîya kî kes nîşkîno nejdîye nînovo.
Heqa kes çînakî îtîqate keşte kaybikero xo gore namo pirano. No adirodo girso rekî nîşt nayînora vesneno vaydan. Domanen milete kirmanc sere kowonde ra xore, milete xore, milete bine destonde înore weyrîne keno.
Bumbareke jaru dîyaronema
Najî raye ramitena. Milete kirmanc ebi îtîqate xoye zerduşt u îslamîyeta raşt, ezidî, suryanî cire wayrîne keno. Tebera kes bine name wayrînede dest merzero ucaxonema horendîya bumbareke jaru dîyaronema. Elewî îtîqate xode xorîye rekî veştra kes nîşkîno virenîye bijero.
Key ke madîna xozaya xo kerd newe viraşt, ucara nato mekane îtîqatema rî herdîyo. Hurendîya ceme ma çe feqîr fiqarîyo, jarema dîyare maye. Pîrema, rayverema, dewresema, murîdema, murşîde ma belîye.
Taye minafiq mare rawama nîsanema medere. Iyeke na rayera kewte dur îyeke xo roto kewte dosege AKP zeweze xo nayine de kerdo her çîye xo bicere serî ra mara durkîye. Caye sima u caxonemade, mekane made çîno. Sere ciftlixone fettullah de, mektebone AKP de xore raya îno bimose. Milete kirmanc gereko nî nîyaneno quwil mekeno.
Dînade herçî nibeno ju
Kotî raste ciamay tuye rîkero. Kes namî mizgefto negoreno qiler mekero ma vene milete kirmanc xirab nekero. Herkes caye mekane îtîqate xo zaneyno. Çi ton ke xiristîyan sone kîlîs a, musluman, sone mizgeft caye îtîqate majî jare ma bone cema o rîye dînawa. Dînade herçî nibeno ju. Kamkî naqesa nizano rîye dînara maru mendo.
Sima xo vîra mekerekî raver ma qir kerdîme badona janema mara guret, welatema talan kerd, dewema vesnaye, mezelema kerd vînd, jarema bine awonde werdayî nikajî wazene îtîqatema ma destra bicere, yajî qilerîn kere.
Kamkî be veng maneno caye xo mekanune made îtîqate made kirmancîya made çîno ju ki wazeno mare kible ma nîsane mado kible ma, milete mawo kî amo bi qir kerdene, seveta kî desta dismen mekuye ayno ke xo esto çemo xo kemeruna esto îye.
Onca kiblema tîjîya sodir, koye tujîk, kemere duzgin baxira sipîye koye Munzur u îyeke seveta welate xo, laye xo bexo estobi vile xo îye kes nameo kî ma nizanîme mara înamo meno pira. Ma name xo caye xo mekane xo zanenîme rawa heqya.
FAÎK AXDAT