Çend rojî verê Stenbol de mamostayêko ucretin mekteb de derse de vatbi ‘werdo ke elewîyan viraşto, nêwirîyeno’ û badê reaksîyonî zêde bibî, mamosta kar ra amebi girewtene. Verfekê Komela Kulturê Pîr Sultan Abdalî yê Şûbeyê Kadikoyî Riza Çelîkî zî reaksîyon nîşanê vatişî da.
Çelîkî va ‘ma bi seserran o ke raştê vatişanê rikinan yenî’ û wina domna: “Heta nika fetwayê sey ‘Elewîyan reyde zewaj nêbeno, nanê elewîyan nêwirîyeno, qetlê elewîyan helal o û sewbîna’ ameyî dayene.”
Çelîkî dewamê qiseykerdişê xo de va ‘loqmeyê ma loqmeyê Heqî yo’ û wina dewam kerd: “Ma Homa û heqî ra zî vanî Heq. Loqmeyê Heqî de pereyo lêmin çin o. Qezencê tiryakî ke ciwanan serxoş keno û ameyeyê talankeran çin o. No loqme de pereyê sermayedarê ke gonîya karkeran ser o bankayan de pere arê danî, çin o. Reyna nê sifreyî de heram çin o. Cok ra ca û sohbetê şima zî nê sifreyî de çin î.”
PÎRHA / STENBOL