Ez çêkuya çehşî şuxulnena, verê cû ozrê xo wazena. Qet zerarê cehşan însanî ra çîno. Tena seba ke babet hol bêro şinasnanîş çêkuya hina kena sernuşteyê xo.
Reyna ge ge çîyo ke peynî de însan binuso û bivajo hewce keno yew vernî de vajo. Yew vateyê çermê sûran esto. Vanî, “Tîro ke qertalî(helî) kişeno putê eyê yo.” Kurdistanî de zî çîyo ke destûr dano ke dişmenê kurdan Kurdistanî de bimano û kurdan bikişo, cehş û korîcîyê ke dadî û babîyê înan kurdî yê. La eyê bi xo bîyê dewşîrmeyê tirk û dewleta tirkî ra xîzmet û kar kenî.
Ayê (kesê) hina çar parçeyhe Kurdistanî de zafê. Rojava de ENKS’yîyê. Dewleta tirk senî hemberê şoreşê Rojava neyarî kena, ENKS’yîyî zî eynî hina neyarî kenî. Başur de zî estî. Rojhelatê Kurdistanî de kewnî mîyanê Hêzên Besîç û raste rast benî cehş. Ayê hina wexto ke dewleta tirk zulmê xo zêde kena zêdeyîr (vêşêr) vejîyenî werti. Ayê hina wexto ke şarê kurd hetê dewleta tirkî ra yena kiştiş bêveng manenê. Ayê hina wexto ke Cizîra Botan, Amed-Sûr, Nisêbîn, Şirnex de tut, cinî û camêrdên kurd ganî ganî ameyênê veşnayîş û kiştiş bêveng bî. Qet meydan de çin bî.
La wexto ke şervanê kurd qesasê şarê kurd genî, ayê hina heme cayan ra serreyê xo vejenî teber û ziwanê xo derg kenî. Qor bi qor hetê dewleta dagîrker dewleta tirk de ca genî. Ayê hina, sey baw û kalêkanê ma vato, “Rîyê înan sey çermê xozî yo.”
Qet yew nîdîyo ayê hina komkiştişê Cizîra Botan û kiştişa pitika hîrê aşmê Mîray de yew qiseykerdibi. Silopî de dadîya Taybet ame kiştiş tirmê aye tam hefteyêk kuçe de bî ma yew qiseyê înan nêşinawit.
Wexto ke Stanbol de yew teqnayîş bi, zaf polîsê tirk ameyê kiştiş, mîyanê înan polîsan de yew serokê polîsan bibi nameyê eyê Kadîr Yildirim bi. Yew nuşteyê eyê polîs vejîya werte ke eyê polîsî komkiştişê Sîlopî de ca girewto. Kadîr Yildirim nuşto vato, “Silopî bilaşan ra di bîyo.” Belkî nê polîsî rastê rast dadîya taybet zî kişta. Bena polîsê ke Stanbol de ameyê kiştiş hema hema pêronê înan kiştişê tut û şarê kurdî de ca girewto.
Cehşê dewleta tirk qalê înan nêkenî la hemberê şarê kurdî çi yeno fekê înan vanî. Înan ra yew esto erjayî nîyo ke nameyê eyê bêro vatiş. Dewleta tirk apê eyê kişto. Nêkewno pê kiştişê apê xo la şino pereyan dano JÎTEM’o ke apê eyê kişto. Ma se vaji homa înan isleh bikero. Homa hezar belayan bêro serê înan!
Homa înan hina bikero ne cenetî de ne zî cehenemî de cayê înan bibo!