AHMET KANBAL / MA / ŞIRNEX
Barajê Ilisu ke Şirnex ra heta Amedî 20 dewî û Heskîfî çinî keno, eke bêro temam kerdene, o wext do Çemê Dîcle zî çinî bibo. Eke baraj bi temamî biqedîyo, o wext Çemê Dîcle do sey verên nêherikîyo.
Kesê ke herême de ronîşenî, dîyar kenî ke eke baraj temam bibo 120 dewe, mezra û daristanî binê awe de bimanî. Reyna goreyê nê kesan dewê ke hetê TOKÎ ra ameyî awan kerdene, sey verên raştê eleqeyî nînî. Dewijî vanî ‘no baraj tena seba zîret û cereyanî nîno viraştene, eynî wextî de barajê ewleyîye yo’ û wina domnenî: “No bara eynî wext de seba qirkerdişê tarîxî û kulturî yeno viraştene û projeyêkê leşkerî yo zî.”
Dewijî dayî zaneyene ke eke baraj bi temamî bikewo dewre, o wext bendê barajî ra heta Cizîrî Çemê Dîcle do sey verên nêherikîyo. Behro Sîya de çemî hepse borîyan yenî kerdene. Se bi? Çemî ziwa bîyî û darî wişk bîyî. Tîya de zî do çem do pey bendî de bêro hepis kerdene û Dîcle do sey verên nêherikîyo.”