Gundê Gelevera yê ku çeme Gelevera lê ye û ji navçeya Kurtun a Gumuşhaneyê 59 kîlometre dure, niha di bin xetereya HES'ê de ye. Li ser çem bi navê Akkoy-2 ya ku bendavên Gokçebel û Yaşmakliyê di projeyê de hene tê xwastin HES bê çêkirin. Ji ber HES'ê jî tê xwastin ku gundiyên Gelevera yê ku bi sed salane li wir dijîn, gundên xwe vala bikin. Demek berê gundi bi panqartên "Newala Gelevera em nadin", "Çem dê azad biherikin", "Ji qirkirina havîrdor re na", "Çemê me yê firotanê tunene", "Şîrketa HES'ê çemê me biterikîne" û "Av jiyane nayê firotan" ber bi şantiyeya Gokçebel meşiyan û xwastin ew proje bê rawestandin, lê xebata HES'ê bê navber didome. Gundî hatine xapandin û tapuyê wan jî ji dest hatine girtin. Gundiyan diyar kir ku hawîrdora wan, xwezeya wan, warê wan û welatê wan tê tunekirin û jî gundiyan Bîlal Ozlu jî bal kişande ser xapandin û tunekirina warê wan.
Ji gundiyan Hasan Kiliç Sarmaz da zanîn ku xwestekên wan ji alî şîrket û devletê ve qet nahatine guhdarkirin û teblîgata valakirina gund ji wan re hatiye şandin. Gundî Îsmaîl Kayha jî dest nîşan kir ku mal, ax û warên wan bi buhayê xwo yê ji dest wan hatiye girtin û piştre îtîrazin wan jî nehatine qebulkirin. Kayha bal kişande li ser bêdengiya devletê û dîyar kir ku bê gundê wan cîhekî ku pide herin tuneye.

'Miriyê me cara duyemin tên kuştin'
Hate zanîn ku dema gundî xapandine û warên wan ji destên wan hatine girtin ji wan re hatiye gotin ku dê piştre cîhê ku piştre biçinê.  bê nîşandan. Ji gundiyan Hulusî Bîlgîn da zanîn ku piştî îmzeyan ew gotin jî fîrmayê nehaniye cih û wiha axivî: "Dixwazin gundê me di bin avê de bihêlên. Miriyan cardin bikujin. Em dixwazin saziyên sivîl û hawirdorparêz dengê me bibihîzin û ji me ra alîkar bibin. Dengê me bila bibihîzin dîroka me tune dikine."

GENÇAGA KARAFAZLÎ - DÎHA/GUMUŞHANE