Qezaya Sûrî ya Amedî de hema 6 taxî qedexekerde yî. Qedexeyê Sûrîya 3 serrî derbaz bî, labelê çîyê ke ewja de qewimîyayî hema zî sey roja ewil vîrê heme kesan de yî. Kênaya Fahrîye Çukure, Rozerîn Çukure (17) 8ê çeleyê 2016î de nizdîyê Mektebê Seretayî yê Suleyman Nazîfî de ameye qetilkerdene. Fahrîye Çukure derheqê serrgêra qedexeyan û kênaya xo de qisey kerde.
Çukure qiseykerdişê xo de wina va: “Cenazeyê merdiman tewrê hafrîyatî eştî Çemê Dîcle. Ma mumkuno ke merdim înan vîrî bikero. Rozerîn gula keyeyê ma bîye û domanîya x ora nata meylê aye xêrkerdişê resmî rê estbî. Timî mamosteyanê xo reyde kewtêne munaqeşeyan. Matematîkê aye zaf baş bîye. Sûr de xeylê ciwanî ameyî qetilkerdiş. Sûr bêro newekerdiş zî çimê mi de sey eşteyêk o. Ez ewja de viraştişê vîlla û awanîyan qebul nêkena. 3 rojî verê cû ez saet 12ê şewe de şîya Mînareyo Çarling. Tena ez û kutêkek ewje de bîyî. 3 serrî derbaz bî, labelê dejê mi sey roja ewilin a. ez bi dermanan pay de vindena.”
Pîyê Rozerîn Çukure, Mustafa Çukurî zî bale ant weçînayîşê herêmî ser û va: “Qayûmê Amedî se bikero zî nêeşkeno qezenc bikero. Her gamêk de qereqol esto. Ma no azadî yo? Her çiqas ke rewşa OHALî peynî bikerî zî Sûr de OHAL dewam keno.”
AMED