Îro di seatên sibehê de bi hezaran ji welatiyên Kobanê ji bo wergirtina cenazeyê şervanê YPG’ê û Endamê Meclîsa Leşkerî ya YPG’ê ya Kobanê Mesîro Avareş ku pêr di encama pevçênên li dijî çeteyên DAIŞ’ê jiyana xwe ji dest dabû, li pêş Saziya Malbatên Şehîdan kom bûn. Girseyê ji vir bi karwanekî Tirimpêlan û welatiyan ber bi goristana Şehîd Dicle ve bi rê ketin‫.‬

Li goristanê merasîmên rêzgirtinê hatina li darxistin. Di merasîman de li ser navê Saziya Malbatên Şehîdan Ehmed Şêxo û Cîgirê Serokê Meclîsa Rêveber ya Kantona Kobanê Xalid Berkel axivîn û dane diyarkirin ku şehîd nîşana berdewamiya berxwedanê û îsrara di riya azadiyê de ne û bi saya berxwedan û têkoşîna van nemiran gelê Kurd li Rojava bi giştî û bi taybet li Kobanê heya niha karibû li hemberî êrîşên çeteyên DAIŞ’ê bisekinin û nehêlin ku tu hêz axa wan ji nû ve dagir bikin û qirêj bikin. Di merasîmên oxirkirinê de dotmama Ş. Mesîro, Gulbuhar tevlî nava refên YPJ’ê bû û got ku ew nahêle çeka pismamê wê li erdê bimîne û soza şopandina riya şehîdan da‫.‬Piştî merasîm bi dawî bûn welatiyan cenzeyê Ş. Masîro di nava tilîlî û durişmên Şehîd namirin de spartin axê‫.‬

KOBANÊ