ZEYNEP DURGUT / JINNEWS / BIDLÎS
Gola Kraterî ya Nemrûdî ke dinya de 2. gola kraterî ya, her roje bi seyan turîstanê cayî û xerîban rê meymandarîye kena. Gole qezaya Tetwanî ya Bidlîsî de ya û berzîya ci 2 hezar 800 metre û hîrayîya ci zî 13 kîlometre yo.
Gole bi rindîyanê xo bajar de cayanê tewr zaf eleqe vînena ra ya. Gola Nemrûdî ke xelate zî girewta, bi manzaraya xo meymanan mîyanê heyrî de verdana. Gola Nemrûdî de bi seyan tewirê mîlçikan cuyenî û verê cu hetê koçeran ra zaf ameyêne bikarardene. Labelê demanê peyênan de seba ke qedexeyî yenî îlankerdene, koçerî nêşenî şerî herême.