Koordînasyonê KJK bi wesîleyê 25ê Mijdare ‘Roja tekoşîna vera şîdetê dûştê cenîyan’ yew eşkerakerdişê nuştekî da û aşkere kerd ke tekoşînê rexistinanê cenîyan do faşîzmê camêrd-dewlet birijno.
KJK vernî de Wayanê Mîrabel û cenîye ke tekoşînê serbestîye de şehîd kewtê yad kerdî û sozê caardişê waştenanê înan dibare kerd. Hûnca dadîyê ke qije xo kerde vinî, cenîye şoreşger, lejwanê serbestîye, pêrokîn cenîyan bi coşeke gird selamî kerdî.
Eşkerakerdiş de vistîya vîrî ke tarîxê merdimîye de bi rayverînê cenîyan de tekoşînê xelyek aşîret, mezheb, qefleyê îtîqatî, klan û şaran estî. Sistemê serdest yê camêrdî timûtim wazeno ke bi zilmûzextî ser no tekoşînî bigîro û binaters a wedare.
Bi plan û sîstematîk
Eşkerakerdiş de vacîya ke rayverîyê cenîyan de bi Modernîteyê Demokratîk û Konfederalîzmê Demokratîk sistema serdestan ê ‘civak, qeflek,îdare bikere’ pûç vecîyena. Coka vernî de Rojawa û Bakur, pêrokîn Kurdistan de vera no projeyî vecîyeno. La rixmê nayî Rojhelatê Miyanî de rayverîyê cenîyan de yew tekoşîneke ercîyaye esto.
KJK hayr ant şîdetê vera cenîyan ser û hina va: “Rojê ma de cenîyan ser o şîdeteko bi plan û rexistinkerde esto û no şîdet her roj zedîyeno. Dinya de qe yew wext sey rojanê ewroyî de vera cenîyan şîdet, tecawuz û mergî ûna zêd nêbî. Her cayê dinya de cîya-cîya şîdet bibo zî, no şîdet sîstematîk o. Herîşanê DAIŞ û Boko Haram ra hetûn sunet, qij zewajî, bin nameyê namûs de qetilkerdiş, kurtaj nê pêroyê esasî de seciye ye. Cenî hetê camêrdan ra raştê hêrişanê zaf hetî yenê.”
Hetûn cenî serbest nêbî qom zî serbest nêbeno
Koordinasyonê KJK dirîyînê Ewrûpa zî arde vîrî û hina dewam kerd: “Ewropa de bi qala sembolîk ‘heqê cenîyan estî’ la raştî de cenî bin şîdête sîstemî de yî.” Eşkerakerdiş de hayr ancîya hêrîşanê DAÎŞ ê vera Şengal ser zî û vacîya ke ‘verê pêroyê dinya de DAÎŞ cenîyê Êzidî rehîn gurewtî.’ Hûnca şaranê Kurd, Suryanî, Kakaî û Şebekî ra cenîyan ser o şîdetê DAÎŞ dewam keno. Vera hêrîşanê DAÎŞ YJA-Star-YPJ pê yew tekoşînê ercîyaye xover da û hetê pêroyê dinya ra qowil bî.’
Eşkerakerdiş de vacîya ke hetûn cenî serbest nêbî qom zî serbest nêbeno. Koordînasyonê KJK dazûnayen ke ê xetê Rayverê Şarê Kurd Abdûllah Ocalanî de xoverdayişê xo bi girdbîyayişî ramene. KJK arde zûne ke qe tekoşînê rexistinê cenîyan faşîzmê camêrd-dewletî rijneno û veng da cenîyan ke 25ê Mijdare de bivejyê kuçeyan.
ANF / BEHDÎNAN