Zîhnîyeta faşîst seba binê destê xo îqtîdargirewtişî ser hetanê çi şer kerdo se, heme nê şeran de zî staretejîyê xo ser tecawizkerdişî cenî domanan xeql kerd. Hetanê nika heme şer bi xo de îqtîdarperestî, nijadperestî û mezhepperestî ard. Taybetî bi qanûnê zîhnîyeta faşîstî êdî tecawiz bi kultur. Di Şerê Yewin a Dinyaye de lejkerê almanî bi hezaran cenîyê belçika û fransî ra tecawiz kerd, hewna eynî lejkerê almanî di Şerê Diyine ya Dinyaye de cenîyê cihu û rusî ra tecawiz kerd. Lejkerî Japonî zî di Şerê Diyine ya Dinyaye de cenîyê çîn, kore û tayvanij ra tecawiz kerdî û banêpêroyine de zî day xebityayiş. Hewna di welatê Pakistan, Ruanda, Bosna, Vîetnam, Haîtî, Iraq, Sûrîye û hîna di zaf hûmarîy de welate de bi hezaran cenîy marûz tecawiz û tacîzî mendî û hema zî na kultura tecawizî ser cenîyan domyena.
Tezê Ocalanî
Zîhnîyeta faşîst ser algiya namisî cenî bi ax û nijadperestîyê cewherî kerd û heme planê xo zî ser no projeyî înşa kerd. Verba no projeyê zîhnîyeta faşîst Rayverê Şarê Kurd Abdullah Ocalan tezê xo ‘Xelqbîyîşê pergala pawiyayişî ya cewherîye’ xelq kerd. Taybetê hêrişê çeteyê DAIŞî ya Rojhîlatê Mîyanê ra lazimeya nê tezê Rayverê Şarê Kurd Abdullah Ocalanî heme dinyaye ra mojna.Di Şengale de kurdê êzidî ra û nê êzidîyan emanetî hêzê Barzanî bîyê la belê hêzê Barzanî kurdê êzidîyê rîbirî terteleye de veradayî. Çeteyê DAIŞî bi nameyê şuxulnayişê dînî cenîyê êzidîyê di bazaran de rotî. Heme nê qewimyayişan mojnake heme şaran hêzê cewherî xo awan bikerî.
Çarçiweya no tezî zî cenîyê êzidîyê hêzê xo ya cewherî YPJ-Şengale saz kerdî. Di Rojawane de peynîya îlanbîyîşê şorişe cenîyê Rojawane zî hêzê xo ya YPJe saz kerdbî. Nê rayvistbîyîşê cenîyê kurd ra zîhnîyeta faşîst bi weşanê xo rixneyê ‘Çi ganî est o, cenîy destê xo ra çek gênî, cenî wazenî mîlîtarîst bikerî.
Qey çek girewtî?
YPJ bi têkoşîna xo persa ‘Qey cenîy hêzê xo ya cewherî saz bikerî?’ da. Na têkoşîna hêzê YPJ ra heme weşanê dinyaye û şarê elaqaye mojnayî. YPJ bi têkoşîna xo verba zîhnîyeta faşîst heme cenîyan ra bi omid û bi têkoşîna xo zî cenîyan ra bi model.
ZEHRA DOGAN / JINHA-AMED