Bi wesîleyê 25ê Mijdare Kurdistan, Tirkîye, Awrûpa û pêro dinya de cenî vejyenê meydanan û şîdetî protesto kenê.
Sûka Almanya Dusseldorf de zî cenîyê Kurd ke nûmayişa protestoyî viraştî faşîzma dûştê cenîyan rê vatî bes o. Meclîs û Komunê cenîyan ke çormeyê Dusseldorf de yê bi Buroyê Cenî ra pîya roja Şeme ver Îstasyonê Tren ra destpa rayşîyayişeke kerdî. Nûmayişa ke bi slogana “Ray nêdanime faşîzmê camêrd û dewletan rê” virazîya de herzewbîn panqartê zey “Dûştê faşîzmî xopawitena xo bicêrime”, “Dûştê dagirkerî Xwebûn” akerdî. Cenîyan nûmayiş de herzewbîn sloganê zey “Dûştê şîdeta vera cenîyan xover bidime” û “Cenî ciwîyan, azadî” berz kerdî.
Nûmayiş de bi kincê sembolîk, bi qisey û sloganan hayr ancîya şîdet, veyvikê doman û îdamê ke Îran û Afganîstan de benê ser. Hemwelatijanê Alman zî eleqeyekê girdî nûmayişî rê damûsnay. Awrûpa ra pîya Kurdistan û Rojhelata Mîyanî de zî nûmayişê protestoyî yê seba ‘Roja tekoşîna dûştê şîdeta vera cenîyan’ destpa kerdî.
ANF/DUSSELDORF