Di Rojawanî temmuze 2012’ê de şoriş ame îlankerdiş û bi na şorişî zî şarê ke hetanê hetê hêzê kapîtalîstan bê alternatîf mendbî bi çar destê xo na şorişî ra resay. Taybetê kontonê Cîzrê, Kobanê û Efrîn de şar xobixo pergala xo îdare kenî la belê hêzê kapîtalîst no hemberîya şarî nêrehet bîyî û no ser zî çeteyê xo DAIŞî ser nê kantonan seba terteleyê eşrawitî. Verba nê çeteyê DAIŞî zî di Kobanê de hêzê YPG/YPJ têkoşînake bê hempa danî û bi na têkoşîna YPG/YPJ êdî heme şaran zananenî ke do Kobanê nêkewo. Na Şorişa Rojawanî dinyaye ra famkerdişî de zî rolê gird ser rojnamegeran keweno û rojnamegerê cenî taybetê Şorişa Rojawanî dinyaye ra danî famkerdiş. Rojnamegera cenî Pervîn Xelîl vat ke taybetê peynîya Şorişa Rojawanî di Rojawanî de hûmarîy rojnamegerê cenî zêdîya û wina vat: “Min zî dema Şorişa Rojawanî destpê rojnamegerê kerd. Di Kobanê de min şahîdê şerê Kobanê bi. Min xobixo şer û şoriş senî aver şona şahîd bîya. Zey yew cenî sifteyin mîyanê şer û şorişî de menda.”
Çeperan ra vezdaynê
Rojnamegera cenî Xelîl aşkera kerd ke taybetê komeleya feodal û eşîrî de kerdişê rojnamegerî zaf zor o û wina dewam kerd: “Zey yew cenî sifteyin wezîfeyê to, komeleyî ra qezenckerdişîyo. Di Kobanê de di kanî de tena rojnamegerê cenî wezîfe kerdî. Bi şorişê de na zîhnîyet di tepa de mend, êdî cenîyan di Rojawanî de bi aktîfî rojnamegerî kenî. Taybetê şar rojnamegerê cenî ra bawer kenî. Ma seba şopnayişî şerî yew çeper ra yew çeperî vazdaynî. Şar ma ra vanê şima wezîfeya ke bi rûmet kenî û no ser zî rêz mojnenî. Sifteyin di komeleya eşîrî de kerdişê rojnamegerî ya cenî zehmet bi la cenîyan di Rojawanî de bi rehetî rojnamegerî kenî.”
Nûçegîhanê şer
Î Xelîl bal ont ser di Rojawanî de muhîmî ya rojnamegerî û wina vat: “Xeberî ke nika ez nusena do belkî hewna nêro cuyayiş, çimkî îxtîmal est o ke hewna nêro cuyayiş. Taybet dîrok est o tena yew ra yena cuyayiş û êdî nîno cuyayiş. Ez zey yew rojnameger dîrokî qeyd kena. Ez zanena ke xebereke nusena belgeya dîrokî yo û na dîrokî ra şahîdbîyîş seba min yew şans o.” Hewna nûçegîhana JINHAyî Zînarîn Aydin zî ciresna ke di Rojawanî de cenîyan heme merheleyê azadîyê qeyd kenî, peynîya şorişî cenîyan heme waran aktîf bîyê. Aydin îzeh kerd ke ê di noca de şorişî qeyd kenî û peynî zî dinyaye ra danî nişandayiş û ganîyo ke di noca de keda cenîyan dîrokî ra bivîyaro.
Mar Rajin saz kerd
Aydin wina dewam kerd: “Di şerî de cenîyan qet nêwazenî merdim bikişî. Cenî tena seba axê xo pawiyayişî beşdarê şerî bîya. Na rewş ra weş finak Arîn Mîrkan o. Ma vînanî ke destê cenîyan heme kar yeno.” Nûçegîhana Hanfa Musa zî destnîşan kerd ke bi şorişî sifteyin cenîyan bi kamera û makîneyî xo kewtê mîyanê şorişî û wina vat: “Di Rojawanî de 56 rojnameger est î û 30 a cenîyê. Ma di şorişî de Meclîsê Cenîya RAJINî saz kerd û 9 embazê ma cenî di meclîsî de ca gênî.” Hewna rojnamegera kovara Asoya Jînî Hevî Semîr zî aşkera kerd ke êAsoya Jînî zey rayvistişî xobixo vînenî.
ASÎYE TEKÎN/JINHA-QAMIŞLO