Azaya Heyetê Rayverînê Pêrayîn ê ÎHD pawitox Hatîce Can ard zon ke qampanê muxacîran de ser cêniyan de fuhuş yeno ferz kerdin. Netîceyê lejê Surîye de hezarî muxacîrî mecbur mendî şî Tirkîye. La belê muxacîrî Tirkîye de bin şertanê zehmet de weşîya xo ramenê, her ke şino zehmetîyê înan benê giran.
Taybet muxacîrê kampan de munenî şertê weşînê înan hol niyo û kownê destê bazirgananî mordeman û an zî destê çeteyanê fihuşî. Rayverînê ÎHD ra pawitox Hatîce Can ard zon ke Tirkiye de nêzdiyê 3 mîlyon muxacîrî wêşînê xo şertanê zaf zehmet de ramenê.
Qampî tacîz û tecawuz rê akerdî
Can vist vîrî ke qampê muxacîran, şahîdînê temsîlkaranê saziyanê sivîl ra amê qefilnayîn û wina qisê kerd: "Inê qampî tacîz û tecawuz rê akerdê. Kênê emrê înan zaf qicî bin namê zewac de rewşênî û inê zî her ke şino beno zaf. Ser cêniyan fihuş yeno ferz kerden."
Can vat ke heqê muxacîrî heqê mordemiyo û wina dewam kerd: "Tirkîye de 3 milyon muxacîrê ke estê, înan ra 1 mîlyonê ci qicê. Goreyê Peymana Heqanê Qican ê Yewbîyayînê Netewan zî lazim o, inê qîcî heme hetan ra perwerdê xo bivînê. La belê Tirkîye de Sazîyê Perwerdeyî yê Wextî goreyê mûfredatê şerîatê perwerdê vînênî. Hunca welatîjê Surîye ra amê heqê tendûrîstî, perwerdê, kar û mendin rê zî mehrum veradîyenê." Can peyniyê qiseyanê xo de eleqe ant Peymana Cenevê ser û wina vat: "Tirkîye bi inê kerdenanê xo Peymana Cenevê ke bi xo îmza zî kerdo îxlal kena. Lazim o inê kerdenê dûştê mordemî veradîyê û goreyê prensîbanê mordemî nezdî bibê.
DÎHA/HATAY