BERÎTAN CANOZER / JINNEWS/AMED
Vera cenîyê ciwan polîtîkayê asîmîlasyon, fuhuş û tiryakî domyenê. Nê polîtîkayê lêminî Dêrsim de bi vînîbîyayişê Gulîstan Doku de xo nîşan dayê. Endama Meclîsê Cenî yê Ciwanê HDPî Sevîm Akdag babete ser o qise kerd.
Endama Meclîsê Cenî yê Ciwanê HDPî Akdag vat ke zaf semedê xokiştiş û qirkerdişê cenîye estê, ê kiştişê bi şikî întîhar bi name nêkenê, sey qirkerdiş name kenê û wina vat: “Şerêko bi xorîn yeno cuyayiş, komel de şîdet her ke şono zêdîyeno. Polîtîkayê şerî ra tewro zaf cenî tesîr vînenê, ma eşkenî vajî ke şerêko bi psikolojîk esto. Gulîstan Doku ma bawerî ameya qetilkerdiş.”
Polîtîkayê ke aramî nêdanê
Akdag dest nîşan kerd ke polîtîkayê şerî yê taybetî de sifte hedef cenîyê ciwan ê û wina dewam kerd: “Ganî polîtîkayê şerî yê taybetî destê ra hera bêrî girewtiş, çimkî ma êdî xokiştişî nêeşkenî bi întîhar bi name bikê, xokiştiş êdî cînayet o. Polîtîkayê perwerdeyî yê înan de çi heyfo ke bi ziwanê dayîke perwerde çin o, nê polîtîkayê zayendperestî ra xizmet kenê, nê polîtîkayê tena polîtîkayêkê aramî nêdanî yê.”