Rayverê Şarê Kurd Abdullah Ocalan di qezaya Xalfetîya Rihaye de ameyo dinya û cenîyê azad di na qezaye de Konferansa Cenîya Ciwan a Normal a 1’ine dar vistî û pêroyina Tirkîya û Kurdistan ra cenîyan beşdarê na konferanse bîyê û na konferans bi coş û heycanê peynî bi. Di konferanse de cenîyan verba zîhnîyeta mêrdeyê têkoşîne ser nîqaş kerdî û di konferanse de cenîyan vindertişê xo bi coş û heycanî ardî ziwan û cenîyan ra seba beşdarbîyîşê têkoşîna azad veng day. Saadet Suer (27) di zanîngeha Yuzuncu Yila Wane de dermanê nêweşîya pênceşêrî vînaynê la Suer nêweşxaneye ra rema û beşdarê na konferanse bi.

Amara cayê azadî ya
Suer aşkera kerd ke a di Konferanse de hêzê YPJ silom kerda û verba çeteyê DAIŞe û zîhnîyeta AKPe vengê têkoşîne da û wina vat: “Taybetê di dewa Rayverê Şarê Kurd Abdullah Ocalan de viraştişê na konferanse zaf muhîm bi û wateya zî zaf gird bi. Azadî Amaraye de destpê kerd û hewna di noca de seba azadî qisekerdiş muhîm bi. Ganî cenîyê verba çeteyê DAIŞe şerê rê refê YPJe ra beşdar bibî.”

Moral û heycan

Hewna Sevgî Gungen zî vat ke Rayverê Şarê Kurd taybetê azadîya cenîyê têkoşîna bê hempa dayo û no zî wateyake zaf gird o, çi heyfo ke hema zî cenîyan verba na zîhnîyete faşîst têkoşîna xo nêdanî, ganîyo ke cenîy têkoşîna xo berz bikerî. Bîhter Alî verba hêrişê çeteyê DAIŞe nêçare amey Amede û a zî beşdarê konferanse biya û Alî aşkera kerd ke a zaf keyweşa ke beşdarê konferanse bîya, armancê konferanse vengê cenîyan berzkerdiş bi, cenîyê azad do heme cenîyan ra biresî û azadbîyîşê cenîyan ser têkoşîna xo bidî. RIHA - DÎHAkoşîna xo bidî. 

DÎHA/RIHA