Hozan Temelî yê ji Sariza Kayseriyê, ji gundê Dallikavakê, piştî ku dîmenên sûcên şer û bikaranîn sîlehên qedexekirî dîtin, nexasim jî piştî ku dîmenên Mihemedê 12 salî yê ku bombeyên Tirkan ew şewitandî dîtin, helbestek nivîsî. Di helbesta xwe de ew dibêje Çermê Min Şewitî Dayê û wî ev nav li helbesta xwe jî kir. Hozan Temelî ji bo em bi weşînin, helbest ji me re şand.
Hozan Temelî yê ku ev 46 sal in mişext e û li Elmanyayê dimîne niha nexweş e. Ev helbest jî li nexweşxaneyê bajarokê Marktoberdorfer nivîsnadiye. Helbesta wî li jêr e:
Putîn û Trump gelek kêfxweş in
Tirk e li ser Kurdan agir direşin
Hinek dimirin hin can dikişin
Dûgelên bêwîcdan hemû kêfxweş in
Putîn rêviyekî gelek fenek e
Berlîn Londra Parîs dijî Kurd b´rik e
Kurd ber xwe dide, welat xweş xak e
Tevî birîndarin hemû bi êşin
Agir û dûman g(ih)eşt arş û ala
Tenê kuştin zarok tev pîr û kala
Ba Tirkî har bizan nakev av ala
Kurd êdî rabûn lewra hilkişîn
Kurd serî xwar nakin pêşeng keçik û jin
Dil wac dane doze bi xwe rast evîn
Bi xwîna cangoran erd zexme zemîn
Tilîlî bilind bûn tune reşî şîn
Tirkî har ji xwîne tu car têr nabe
Gelek Tirk jî bi vê şa dibe
Eslê hemûyan wenda Tirktî radibe
Çavên xwe kor bûyîne temamî şaş in
Tayîp û Bahçelî herdû Tirk nîne
Arnawût Gurcî Çerkez Tirk bûne
Hinek Kurdên xayîn Tirk in, ma kî ne!
Dijminên eslî xwe tav radikişin
Lê zilma hemûyan li ser Kurdan e
Meriv xwuya dikin lê ne însan e
Heywan î ewrar e nabêm heywan e
Xwe tev gûhertine tevdin xuşxuş e
Wegerîn doza Kurd hasret a Xanî ye
Girê Sipî ye û Serê Kanî ye
Tirkî har ji me re mirin aniye
Rûs û Amerîqa hemû rûreş in
Keçik û jinên Kurd rêberên me ne
Ew ê afirandinin ji xwe can tîne
Baweriya heqîqatê bi jin e
Temelî ew xweza hertim heşin e
NAVENDA NÛÇEYAN