Vizêr zî Dîlok te merasîmê cenaze estbi. Gurekarê şaredarîya AKP bi slogananê ‘Kiştox ÎŞÎD pîyakar AKP’ merasîm ra amey qewirnayen.
‘Kiştox Erdogan’
Vera qetlîam nêrazîbîyenî ramenê. Heto bîn ra serba qurbanênanê komkiştena Dîlok, merasimekê gird viraziya. Bi hezaran Kurdistanijî hêrsê xo yê vera hetkarînê AKP û DAIŞ ard ziwan û siloganê "Kiştox Erdogan" qîriyay. Welatijê ke komkiştena Dîlok de şehîd bî, cenazeyê 42 kesan mezelxaneyê Yeşîlkent de defin bî. Hemserokê HDP, DBP temsîlkarê HDK û KJA jî miyan de, bi hezaran kesî tewrê merasimî bî. Merasimî de hêrsê kurdan ê vera AKP û Serokkomarê tirk Tayîp Erdogan eleqe ant xo ser. Şaredara Dîlok û heveyê parlementerê AKP zî wast tewrê merasimî bibê. Welatijan bi siloganê "Kiştox Erdogan" heyeta AKP merasimî ra qewirna. Şêligî badê wecîbeyanê dînî, tabûtî girotî doşanê xo ser û berdî mezele. Mezele de seweta şehîdan, 1 deqe rêz girotiya. Bado zî siloganî qîriyay.
Bi tekbîrî êriş kerdî
Vizêr seatanê dihîr de zî merasîmê definkerdişê cenazeyanê Kûmrû Îlter a 13 serrî û yê Ahmet Toramanî virazîya. Parlementerê HDP Mahmût Togrûl, Îbrahîm Ayhan û Nursel Aydogan ra pîya bi hezaran kes tewrê merasîm bî. La nîjadperweranê tirk bi tekbîr û alê tirkan êrişê merasîmî kerdî. Peycoy cendirmeyan çormeyê mezaelxane girotî û vatî eke şima slogan bierzê ma dê xudaxale bikerê. Malbatanê Îlter û Toraman ke cenazeyê xo waştî mezelxaneyê Yeşîlkent de defin bikerê raştê êrişê nîjadperweran amey. Ser nay welatijan cewab da êrişkaran û cerdirmeyî kewtî dewre. Cendirmeyan zî bi mudaxalekerdişî welatijan tehdît kerdî.
Welatijê bi slogananê ‘Kiştox AKP’ cenazeyan defin kerdî û gurekarê şaredarîya AKP bi slogananê ‘Kiştox ÎŞÎD pîyakar AKP’ merasîm ra amey qewirnayen.
Cenazeyê 3 şehîdanê bînan jî berdiyay Sêrt, Wan û Semsûri. Metîn Caner qezaya Wan Artemêt de bi slogana ‘Kiştox Erdogan’ ame definkerden. n
DÎHA/DÎLOK