Fermandarîya Merkezî ya Hêzê Azadîye yo Pêrabeste (BOG) îzehetêk nuşteyî da û hayr ant hêrişanê hukmatê AKP ser. BOG vist vîrî ke vera nê hêrişan çîyo ke lazim o do bêro kerdene.
BOGî îzehetê xo de vato ‘partîya faşîst seba fikrê ke vera xo de vînena, bideko bin kontrolê xo 2 raybazan xebetnena’ û wina domnayo: “Nînan ra yewe bi zorî bîatkerdiş û yê dîyine zî polîtîkaya raştîya xo ra dûrîkerdiş a. AKP seba ke şarî rê çok bido şikitiş, tewqîfkerdiş, îşkence, tecawiz, karî ra dûrvistiş, tehdît, şantaj û sewbîna zaf raybazanê bînan xebetneno. ”
Quwetê azadîye
BOGî dewamê îzehetê xo de qala Hêzê Azadîye kerdo û wina vato: “Şima mîyanê şert û mercê bêîmkanîyan de adirê hêvîye tafîna û vera faşîzmî de şerê şoreşgerî da destpêkerdiş. Yê ke wextê Serewedaritişê Hezîrane de lingê înan ricifîyayênê, ewro vera şima de zanî ke ‘kinitoxê mezelan’ reyde rî bi rî yî. Partîya faşîst ewro hende bêçare menda ke bi heme hêzê xo hêrişê karker û şaran kena.”
Wa cewab bêrî dayene
BOGî cewabê ‘vera hêrişê çete, polîs, îstîxbaratkar, îşkencekar û tecawizkaran yew bi yew wina rêzekerd:
* Ganî her hêriş û qetlîyam bi hawayo hîrê qatê ci cewab bero dayene û kesê ke hêriş kenî bêrî cezakerdiş.
* Faşîst û merkezê faşîstan ke îşkence bi şar, karker, ciwan, cinî û muxalîfan kenî, ganî bêrî çinkerdiş.
* Tacîzkar û tecawizkaran ceza bikerê. Yê cinîyan qetil kenî û sazî û dezgeyê ke zîhnîyetê faşîst yê AKP û DAIŞî ke nê qatilan pawenî, nê sazî û dezgeyan çin bikerê.
* Vera her tewqîfkerdişê her kesê antî faşîst û şorişger de ganî tewr tay 3 sazîyê AKPyî bêrî çînkerdiş û îdarekarê partîya faşîst bêrî cezakerdiş.-Heme karker û şaran bisîleh bikerê û heme cayan de mektebê şerî yê şoreşger biakerê.
* Hêzê polîsan ke hêrişê mîtîng û rayîrşîyayîşan kenî, înan felç bikerê. -Kes û hêzê ke vera faşîzmî de sere nêronenî û vera înan de şer kenî, seba piştîdayîşê înan heme îmkananê xo bixebetnî.
NAVENDÊ XEBERAN