Kongre de Hişyar Ozsoy rojdemî ser o qal kerd û hayr ant bêhiqûqîyanê DBP ser. Ozsoyî vist vîrî ke Serokkomarê Tirk Tayîp Erdogan sey siyasetê zerrî ê tewrî de zî tengî de yo, coka herîşê şarî keno. Ozsoyî dîyar kerd ke cayê Erdoganî nê siyasetê êr de nê zî ameyîşê no welatî de çîno û va, ‘La cayê ma mehkemo nayî ra wa paşte şima pît bo.Ma nê rojan tengan ra sare berz veciyenê.’
‘Ma ra tersenê’
Parlementer Ozsoyî eleqa ûnt esîrgurewtişê hemserok û parlamenteranê HDP ser û hina vat: “Ma ra persenî; Demîrtaş qê (çima) guretîya zerrê? Ma zî vanî; ma ra tersenê ayî ra. Pê vernî HDP û DBP guretişa îradeyê şarî xesp beno. No zî miyejneno ra ke, Erdogan ma Kurdan şarî ra nêvîneno. Rî nayî ra îredeyê ma rê çim û goşê xo guretî. Ma zî ê sey yew îredeyo siyasî nêvînenê.” Ozsoyî hayr ant gerayişê xo ê Ewrûpa ser zî û va, ‘inkê (nika) qe yew îdareyê welatekî nêwazene ke Erdogan meymanê xo bikerî. Coka ge şino Ozbekîstan, ge şino Pakîstan.’
Qiseyan ra dima îdareyê newî yê sûk vijiya. Netîceyê weçîntayişî de Gulsûm Borlukan û Yavuz Kitay bî hemserokê neweyî.
ÇEWLÎG