Çewlîg de nizdîyê 100 domananê ke jehrî kewtî, yê ke rewşa înan giran a Xarpêt de yenê tedawîkerdene. Heyetê HDPyî ke nêweşî zîyaret kerdî, veng da Wezaretê Weşîye û waşt ke wa weşîya domanan rê nizdî ra eleqedar bibê.
Beldeyê Xoşkarî yê Çewlîgî de, wendekarê dibistane û dibistana mîyanêne ya Xoşkarî de 20ê Êlule de pê dejê sere û zereyî, viritiş, sûrbîyayîşê bedenî û veşayîş û kênayîşê çiman şîyê nêweşxane. Goreyê vatişan, wendekaran dibistan de cîwa dîye û pê kay kerd. Dima jehrî bîyî. Hemserekê HDPyî yê Çewlîgî ra Veysî Kaya, Endamê Meclîsî yê Pêroyî yê Bajarî Îmdat Morsumbul û endamanê meclîsî yê şaredarîye zîyaretê domanan ê nêweşxaneyî de û keyeyanê înan kerd. Keyeyanê ke domanê înan rîyê ciwa ra pê jehrî kewtî ard ziwan ke peygoşîyêka pîle esta, labelê nika rewşa weşîye ya domanan ê înan rê eleqedar benî.
Hemserekê HDPyî yê Çewlîgî Veysel Kayayî dimayê zîyaretê domanan ê nêweşxaneyî de û keyeyê înan pare kerd ke înan waştiş û qesawetê keyeyan goştarî kerdî û serebûtê jehrbîyayîşî tehlûkeyîn o. Kayayî aşkere kerd domananê ke rewşa înan giran a berdî nêweşxane û nizdîyê 100 wendekarî pê jehrî kewtî. Kaya da zanayene ke mabênê di rojan de tayê domananê bînan zî bi qesawetê jehrbîyayîşî ameyî berdene bi nêweşxane.
ÇEWLÎG