Çewlîgî ra tayî hayî resenî ma. Na hayî heta nika qet yew medya de nîvejîyaya. Vanî, gurekarê dewleta dagîrker yê tirk dew bi dew gêrenî. Dewijanê Çewlîg ra vanî, “Eger şima biwazenî, tapuyê keye û erdê xo biroşenî bidenî ma. Ma zereyê Çewlîg de keyeyêk danî şima.” Gurekarê dewleta tirk, Dewê ke gêrîyayê nê dewî giranî mintiqayî Sencexî de yî. Gurekaranê dewlet hina kenî, la yew dewijî zî heta nika plane dewleta tirk qebûl nîkerdo.
Zobî zî çend rojî verê cû yew hayîyêk bîn medya de vejîya. Goreyê na hayî hetê dewê Qerwelîyan de ocaxê kerayan awanbîyê. Nê ocaxê kerayan zaf zerarê gird danî dormê dewa Qerwelîyan û dewa Qerwelîyan. Hina bîyo ke cuwayîşê zehmet bîyo. Dewijan zî nê semedî ra serewedera yo. Vanî, “Ma Qerwelîyan de ocaxê kerayan nêwazenî. “
Hina aseno ke nê her di çîyê yewbîn ra girêdayîyê. Xora dewa Qerwelîyan û dewê bîn yê ke gurêkarê dewleta tirk gêrayî yew mintiqa de yê. Pêronê nê dewan mintiqayê Sencexî de ye. Sencex, rojawanê Çewlîg de yo. Sencex mintiqayêk zaf stratejîk û muhîm o. Beyntarê Çewlîg û Xarpêtî de ca gêno. Yane Çewlîg û Xarpêt yewbîn ra girêdano. Dewleta pê nê planê wazenê mabênê Çewlîg û Xarpêt veng bikero. Çewlîg û Elazîz yewbîn ra biqefirno. Plan,planêk zaf lişîn o. Planêk qirkerdişî yo.
Dewleta tirk Amed-Sûr, Farqîn, Gever, Derîk,Kerboran, Nisêbîn û Şirnex pê tanq û top, teyaran û helîkopteran bombe kena. Bajarê ma xirab kena. Kerra ser kerra nêverdena. Kena xirbê.Çewlîg de zî pê planêk zaf hîlekar eynî planî ramnena. Mereş de dewe Terroyan, Dersîm Mezgirt, Sêwas û Xelat de teberê ra tirkan û ereban ana cakena. Dewleta tirk pêronê Başûrê Kurdîstanê yew plan ramnena. Esasî de plan yew o. Gore şert û mercê bajaran plan virazena.
Planê ke dewleta tirk raverbena, planêk newe nîyo. Dewleta tirk no plan 1925 de viraşt o. Goreyê nê planê dema Şêx Seîd û Seyîd Rizayî de Kurdîstanê de komkiştiş viraşt. Dew û bajarê Kurdîstanê xirab kerdî. Şarê Kurd surgine Anatolîya kerd. Çand û ziwanê kurdî qedexe kerd. Teber ra tirkî ardî, Wan, Agirî, Erzorûm, Mûş, Bêdlîs, Xarpêt, Erzîngan, Meletî, Mereş, Semsûr cayê bîn yê Kurdîstanê de cakerdî. Armance dewleta tirk o bi ke, pê Plane Şerq Islehetî, Kurd qirbikero û Kurdîstan de tirkbîyayîş raverbero.
Dewleta tirk çîyo ke nika bajarê Kurdîstan û bajarê Kurdîstan yê bîn Çewlîg de kena, eynî plana.
Planê Şerq Eslehîtî yo.
Vanî ya, “Luye muyê xo bedilnena, la kurmê xo nêbedilnena.”
Dewleta tirk eynî sey luye ya. Feq kurmê xo yê qirker û neyartîya kurdan ra veranîdana. Hezar serr şêro, dewleta tirk reyna feq kurmê xo yê qirkerî ra veranîdana. Xora Erdogan vano, “Ma heta qîyametê şerê kurdan kenî, do ma bikeri.”
Gera şarê ma na raştî bizano, goreyê na raştî hemberê dewlet tirk têkoşîn bikero. Wayîre dew û bajaranê xo bivejîyo. Dew û bajarê xo terknîkero. Hetanê Kurdîstanê Azad awanbikero û hemberê dewlet tirkî têkoşîn bikero.
Zobî rayîr çîna. Zobî xelasî zî çîna.