Goreyê melumato ke ronayoxe grûbe, nuştox û rejîsorê tîyatroyî Yunus Çîftçî ra ameyo girewtene grûbe verî bi nameyê “Menal” yew kayo ke bi kirdkî û tirkî nusîyayo kay kerdo. Gama ke înan dest bî kayê kirdkî/kirmanckî kerdo şarê Çewligî ra reaksîyonêko zaf baş girewto. Semedê kayê xo yê domanan 9 dewan ra gêrayê û kayê xo sexne kerdê. Kîşta domanan de girdan zî eleqe musnayo kayanê grûbe.
Goreyê melumatdayîşê Çîftçîyî grûbê kayê ke semedê temaşekerdoxanê pîlan amade kenê, Merkezê Kulturî yê Şaredarîye de sexne kenê. Azayê grûbe hasilato ke biletanê nê kayan ra yeno, danê wendekaranê zangehan û bi no hewa faydeyê înan wendekaran rê zî beno.
Semedê wayîrvejyayişê kirdkî
Kaykerdox Gokhan Bulutî zî hayr ant gureyîn û hedefê grûbe ser û derheqê kayanê grûbe de hina qisey kerd: “Wexto ke ma destpa kaya bi kirdkî kerd ma raştê reaksîyonê holî yê Çewligijan amey. Semedê kayanê qijan (doman) ma 9 dewan de geyrîyay û kayê xo sexne kerdî. Ma dekorê xo yê hadre zî pê xo ra berdî. La qijan ra pîya pîlan zî kayê ma temaşe kerdî û eleqeyekê girdî damûsnay.” Bulutî da zonayen ke kayê înan ser babedê ke zerreyê ciwîyayişî de însanan eleqedar kenê ra weçînenê. Kaykerdox Gokhan Bulutî hayr ant talokeyê vindîbîyayen yê kirdkî ser û aşkere kerd ke pêrokîn hewldanê înan semedê ciwîdayişê kirdkî yo. Bulutî da zonayen ke înan qerar dayo ke neyra tepya dê hona vêşêr giranî û qedr bidê kirdî.
ÇEWLIG