Yew hayî vila bîya. Goreyê na hayî hetê dewa Çan ya Çewlîg û beyntarê Darahênî û Çewlîg de tayê mezelê baw û kalanê ma ameyê xirab kerdiş.
Zere nê mezelan dey yew mezelo ke beyntarê Darahênî û Çewlîg de ameyo xirab kerdiş yê Şeyh  Ehmedî yo.
Rayedarên dagirker yê tirk reyna nê wehşetê nimnenê. Vanî, “Yew di gêjan/cinêr/xêx nê çîyê kerdî.
Ma ê tepiştî, la gêjî vejîyayê ma zî seba nayê veredayê”.
Rayedarên dagirker yê tirk hina zuran kenî, la êye zî zanî yew bawer nêkeno.
Dewleta tirk hem çeteyanê DAÎŞ rêxistin kena, hem pê înan wehşet dana kerdiş, hem zî wazena ser wehşetî bigero.
Meselaya xirabkerdişê mezelê Şeyh Ehmed înan zî hina ya.
Xo ra dewlet tirk Çewlîg de seba ke verêneyê şarê kurd bigero,çeteyên DAÎŞ’ê rêxistin kena.
Çewlîg de heme cayê û qerargehê çeteyên DAÎŞ’ê T.C zelalo.
Dewleta tirk seba ke şarê kurd wayîrê tarîx, ziwan û kulturê xo nêvejîyo, înan ra dûrî bikewro dişmenîyê kena.
Wazena ke, bi name DAÎŞ de xo newe ra Çewlîg de ca bikero.
Dewleta tirt heta nika zaf tutê/domanê Çewlîg bi name çeteyên DAÎŞ de xapinê û şiravatî Rojavayê Kurdistanê. Zafê nê tutan Rojava de amêye kiştiş.
Dewleta tirk nika zî hêdî-hêdî dest erzena cayê bimbarek yê Çewlîgî yê.
Nika zî bin name DAÎŞ de mezelanê alîm û baw û kalanê ma xirab kena.
Pê no xirabî wazena ke bi ewnî hele Çewlîgijî se vanî.
Hele hêrs benî ya nêbenî.
Eger hêrs nêbenê, Çewlîg de yew cayê bimbarek yê saxlem ser lingan nêverdena.
Hina wazena ke tarîx û hafizê Çewlîg çinbikero.
Ma zanê mezgê dewleta tirk, mezgê Vahabbî û DAÎŞ’ê yo.
Vahabbîyan seyî serranê 1803 û 1805 de Kerbela, Taîf, Mekke û Medenî de kuç ser kuç de nêverda, dewleta tirk zî wazena ke Kurdistan û Çewlîg de kuç ser kuç de nêverdo.
Vahabbîyan mezelê Hz.Muhammed înan zî mîyan de pêronê cayê pîroz xirab kerdîbî.
Xo ra DAÎŞ zî, mezgê Vahabbîyan pawêno.
Vahabbîyan se kerdo êye zî eynî çîyan kenî.
Bi ewnê, DAÎŞ kamca dagirkeno, uca de çiqas cayê pîroz estî rijnêno.
Dewleta tirk zî hina kena, ça de cayên pîroz yên Kurdê estî, înan rijnena.
Mezelê şeyh û pîranê ma vînkena.
Mezelê Şeyh Seîd û Seyît Riza û Seîdê Kurdî înan ça/kotî yê?
Dewleta Tirk ewro zî bi name DAÎŞ’ê beyntarê Çewlîg û Darahênî, hetê dewa Çan de mezelê Şeyh Ehmed, baw û kalanê ma xirab kena.
Ser re zî zurî kena vana, yew gêjî mezelî xirab kerdî.
Şarê Çewlîg wa bizano ke, aye ke mezelê Şeyh Ehmed înan xirab kerdî dewleta tirk û çeteyê dewleta tirk DAÎŞ’o.
Gera  Şarê Çewlîg hêrsê xo hemberê dewleta tirk û çeteyên dewleta tirk DAÎŞ bido nîşandayîş.
Eger Şarê Çewlîg hina nêkero, dewleta tirk hêdî-hêdî dest bierzo namûsê Şarê Çewlîg zî.
Çeteyên DAÎŞ seyî dest erzenê namûsê şarê kurd, vanî kêna û cinîyê şarê kurd seba ma helalîyê, ê dewleta tirk zî vajo, kêna û cinîyê Şarê Çewlîg seba ma helalê.
Gore nayî hewce keno ke Şarê Çewlîg bi wirzo ser lingan.