Çewlîge bi heremê xo ra zaf stratejîk yew ca gêna. Çewlîge de hem elewî û hem zî sunnî ciwîyenî. No semedê ra kamê Çewlîge girewta binê destanê xo, timûtim polîtîkaya elewî û sunnî xebatnaya.
Bi ey ra Çewlîge de şarê kurd yewbînan ra zaf serdino. Elewî û sunnî yewbînan ra hesnêkenê gelo semedê na serdîneye çî ya? Ey ke dîroka Kurdistanî bizanîbê weş fehm kenê ke, kam dewlete ameya Çewlîge polîtîkaya xo gemarîne gurenaya û muwafaq zî bîyo. Eke Çewlîge de partîya kurdan hama ra zî nêeşkenî naye bêgê sebebî, na rewşe polîtîkayê hinzar serran dîyar a.Çimkî wextoke Yavuz Sultan Selîm amebi Kurdistanî tenaquzeya pîlê fîneno nabîne şerê kurd û polîtîkayê keno dewre.
O wexte Rayveberdişê Çewlîge beylîk û xoserî bi. Dim ara dewleta Osmanîyan Çewlîge de d engeya elewî û sunnî fîneno raşte. Wazeno ke şarê kurd mîyanê xo de yewbîyayişê nêbibo. Ey ra timûtim na rewş yeno xebitnayişê. Eke şarê kurdan weş fam bikerê se na polîtîka zî venge vejîna.
Çimkî Çewlîge zaf weş a, Rayverê Şarê Kurd Abdullah Ocalan ser şarê Çewlîge û Dêrsim vindeno û vano; “Heremê Dêrsim û Çewlîge de polîtîkayê taybetîne yena xebitnayiş.”Raşte ya çimkî no demo peyine de deh kênaya kurmanc û zaza vejîya meydan. Eke şarê ma kurdan nêameyêne na polîtîka se, ey wexte dewlete xo ra feke no polîtîka ra verabida. Taybetê, çareserkerdişê persgiraya kurd rojev de, o wext ra na polîtîkaya hêz girewte, Qarşi bîyayişê ma bi destê dewlete tayê sazgehê zazay ameyî meydan.
Ganî ke kurdê ma ey ra yew bibê. Çimkî na persgira hetanî eyro ameyî û no di serro ke kewta rojeve eyseno ke tayê hêzê wazenê mîyanê kurdan de xirabey vejê meydan. Çendê roj derê Çewlîge de Kurdî-Der abî. No qerar semede ra ez embazanîy erjaya silam keno û vano; wa dest û zerra şima weş bibo.
Çimkî hem çareserkerdişê persgiraya kurd semede hem zî cîya bîyayişê kurdan yew firset o. Wezîfe ke keweno milê Kurdî-Der yew xebata vînazîr bidê destpêkerdiş û no polîtîkaya vengê biko. Ey ke na xebatê de ca gênê, pêrona rê serkewtişe wazeno.
FAYSAL BOZKURT