Zelzeleyo ke vizêr sodir seat 09.22’de, bi qûwetê 4.1 qewimiya, bi sebebê qurf û ters. Erdlerzin merkezê sûk û qezayê xolxol de rî da la qezayanê çorme de zî ame hîskerdiş. Goreyê zonayişan zelzele nêbi sebebê vinîbiyîşê gan û malî.
Zelzeleyê 3ê Kanûne
Çewlig de 3ê Kanûne de zî navend û qezayanê ci Gêxî, Xolxol û Azarpêrd de, bi qûwetê 5.5 erdlerzin bi. Peycoy zî 300 sey ra vêşî zelzeleyê qickek qewimiyay. Netîceyê eno zelzeleyî de bi desan keyeyan xesar dî, xeylê ci zî rijiyay û welatijî bî mexdûr.
Çewligijî bi rojan, şew û roj teber de mendî. Xeylê ci barê cayê bîn kerdî, xeylê ci zî bi rojan erebeyan de, cîran û merdimanê xo het de mendî. Rexmê hewayê serdin û mexdûriyeta welatijan, sazgehanê dewlet ne konteynirî day ne zî yardimê bînî. Û rexmo ke Çewlig zey heremê zelzeleya, la ancî zî ti tedbîrî nêameyê giroten. Dewleta Tirk zelzeleyê Wan de zî riyê xo damusna bi.
ÇEWLIG