Çewlig de bi rojano şar meydanan de nûmayişê nobed virazeno û hayr anceno rewşê Ocalanî ser. obeta Serbestiye roja 8. de dewam kerd. Çewligijê ke her şûn de mehlanê ciya ciya de yenê pêser tecrîdê ser Ocalanî rê nêrazibiyayîşê xo miyejnene ra.
Roja verî şan de çalakiyê nobed Yenî Mahale de virazya. Pawitoxa Ocalanî Newroz Uysal zî çalaki de ca guret. Uysal hikûmeta AKP kerde aya û aşkere kerd ke eke Ocalan ra xeber nîro girewten kaosê Tirkîye binena beno xore. Hemseroka DBP Zeynep Yurtsever zî tecrîd rê hêrsê xo arde zûn û waşt ke desinde tecrîd wedarîyo, pêdiyayin virazîyo.
“Serbestîya Ocalan, serbestîya şarî ya“
Per bîn ra qezaya Kanîreş de zî rayveriyê DBP-HDP de panel virazya. Pawitox Uysal tewrê no panelî zî bî. Rêzgurewtişî ra dima hêver azayê Merkezê Partî ê DBP Adnan Sari qal kerd. Sarî arde zûne tekoşînê serbestiyê de tim şaro rexistenen kewno ser. Pawitox Newroz Uysal zî eleqa ûnt zerre tecrîd de tecrîdî ser û ûna kerd ser: “Şarê Kurd gerek hol bizano ke Ocalan hetê kamî quwetan ra ardiya Îmrali û qê ho binê tecrîd giran do. Uysal serbestiyê Ocalan sey serbestiyê şarê Kurd hesibna û şarî ra waşte ke pê çalakiyan wahar Rayverê xo bivecî.
SEVCAN ÇAKAS