Batman, ware Êgît-Mahsum Korkmaz o.

Batman, ware Edîp Solmaz o .
Batman, ware Cengîz Altun o.
Batman, ne ma tu vîr kenî, ne ti ma vîr kenê.
Wexto kî,  vanî Batman, cîgere mi veşeno.
Wexto kî, vanî Batman, serre 1990’an yenî mi vîr.
Wexto kî, vanî  Batman, Hîzbul-Kontra yeno mî vîr.
Wexto kî, vanî Batman, Hîzbul-Wehşet yeno mi vîr.
Wexto kî, vanî Batman u Hîzbul Kontra, zerrê Amed de  kiştişê Mela Siddik Turhalî yeno mi vîr.
Wexto kî, vanî  Batman û Hîzbul Kontra, kiştişê Sereke Weqfe Med Zehra Îzzetîn Yildirim yeno mi vîr.
Wexto kî, vanî  Batman, kiştişê  wekîlê ma Mehmet Sîncar yeno mi vîr.
Wexto kî, vanî Batman, yew bi yew ayê kî mi name înan rez kerdî, hetê Hîzbul-Kontra kiştişê înan yeno mi vîr.
Her roj nayê şehîd ma vîr ra nêşenê, serra yew şehîdê bîn zi bi.
Reyna Hîzbul Kontra,reyna qelleşî,reyna kiştişê însane ma welatparêz zê Ozcan Temel û birindarkerdişê 6 welatparêzan.
Hîzbul Kontra-Huda Par, pê rijnayîşa gonîyê Kirdan mird nîbenê.
Zê serre 1990, reyna tetîkkeşîyê dewleta Tirk girewto ser xo.
Hina asena kî, Sereke Hîzbul Kontra-Huda Par Z. Yapicioglu û R.Tayyîp Erdogan ra yewbidiyayîş kerd, no yewdiyayîşê de T.Erdogan gurîyê tetîkkeşî dawo Hîzbul Kontra-Huda Par.
Komkiştişê Batman, komkiştişê zaf bi dezgeyî aseno. Hina asena kî, çeteyên Hîzbul Kontra-Hûda Par hadretî kerda û hina êrîşê welatparêzan kerda.
Nayê çîyon, pê name homa kenî.
Ma zanî, şerê Siffîn de arteşê Muavîyê Quran kenî serê şimşêrê xo, hina êrîş kenî ser arteşê Hz.Êlî.
Çîyo kî, nika Hîzbul Kontra-Huda Par kenî, eynî çîyo. Hîzbul Kontra-Huda Par name homayî kenî xo û pê name homayî êrîşê Kirdan kenî. Muavîyê û Yezîdê nika, Hîzbul Kontra-Hûda Parijî.
Namê homayê xo ra kenî kilaw û êrîşê Kirdan kenî û kişenî.
Gera şarê Kird, na raştiyê weş bizano. Hîzbul Kontra-Huda Parij qetîlkarî. Dişmenê dînê Îslamîyê. Dişmenê şarê Kirdî. Hîzbul Kontra-Huda Parij tetîkkeşê dewletê Tirkî.
Wa şarê ma, hemverê êrîşê Hîzbul Kontra-Hûda Parijan pawitişê xo bikero.