Semedê weçînayişê 7’ê hezîranî ravêreye bi hawayê fermî dest pê kerdo û xebatîy dewam kenêy. Raşteyî de bi aşman verî ra yo ke xebatêy na weçînayişî ameyê viraştiş.
Pey dayişê lîsteyî YSKî ra stanta fermî amedayiş. Bi raşteyî wexta ke ma ewnîyenê lîsteya partîyan heme partîyan na weçînayişî de endamêy xo bi hawayeke zîz neqnayê. Lîsteya HDPî de no zîzey bi ferqeke zaf akerde yeno vînayiş. Lîsteya ci ra boya ‘Şaran û bawrîyan’ yeno.
Lîsteya AKPî de eyseno ke boya têkîleya embaztîyan est o. CHPî de zî lîste bi maneyeke yewser verbê lîsteya HDPî ameyo viraştiş û neqnayiş. Hinî kerdêy ke namzeteke cenî verbê Kemal Kiliçdaroglû de ameyo nuştiş. Lîsteya MHPî de zî verendamê kan yê serekomareyî Ekmeleddîn Îhsanoglu cayê xo giroto. No zî dano eysayiş ke weçînayişî de rayeke CHP şîyo MHPî. Pekî no rayîraberdiş do bi çi rîyî bi nameyê CHPî şaran ra ray biwazo? CHP û MHP mîyan de ferq hintayê bîyo bêferq?
HDP lîsteya demokratîbîyişî mojneno
Goreya heme çîyan, lîsteya HDPî goreya partîyê bînan bêguman zaf bi ferq û dîqet onceno. Herî zaf cenîy no lîsteyî de ameyê bicakerdiş. Zaf cayan de zî serlîsteya mintiqa xo de yê. No zî yeno mana 550 namzedêy wekîlan ra 268 cenî yê. Himakî nîme nîme yê. Goreya partîyê bînan serkewtişeke zaf gird ameyo desfînayiş. Ma şikyenêy bivajêy ke lîsta HDPî lîsta cenîyan a.
Lîsteya HDPî de çiman ver de bawerî, nasnameya netewî û taybetêy zaf zaf estêy. Lîsteya HDPî de heme şarîy xo şikyenêy tede bivînêy. No zî hinî kerdo ke Tirkîyayî de kesêy ke heta ney gamî nîyameyê ferqkerdişî HDPe ferq kerda.
Xelisyayiş bi HDPî beno
Lîsteya HDPî ya weçînayişî lîsteyeke ciwan, cenî, bawerkerdeyo. Yanê Tirkîyayî de lîsteya ke tewr tewr civatan ardo pêhet o. No semedî ra do heme tewrêy şaran ra rayî bişêrêy HDPî. Problema HDPî a seyî ra 10 qet çîno do bi hawayeke zaf rehet ravêro. Weçînayişê ma ver de do mîyanê AKPî û HDPî de zey musabeqeyeke ravêro. Semedê xelasbîyişê Tirkîyayî HDP zey alternatîfeke yeno vînayiş û hinî yo zî.
Hemeyê partîyan dest bi xebatêy xo kerdêy. Heme partîyî do bi hemeyê estbîyayişê xo xebatan bikerêy. AKP do heme derfetêy dewletî xo ra bikar bîyara û çi dek û dolabêy ke şikyena bikera do medera pey xo. CHP û MHP zî nefret û kîna ke şaran semedê AKPî tepişto bikero raya xo ra têkoşîn dana.
Rayê Ewropayî dîyarker êy
Zaf xalan de çimêy kesan HDPî ser de yê. Weçînayişê ma ver de semedo ke şar rayîrbereyeke bê zûr, bê hîle û xizmeta şarê xo de do biweçîno û rayê xo do biderêy HDPî. Semedêy ke HDP bi heme kesan de rî bî rî qise bikero ra bi heme endam û xebatkarêy xo seferber bîya.
Tirkîyayî de têkoşîneke bi ney rengî dewam kena. Weçînayişê Ewropayî rewna dest pê kerdo. Bi giranî AKP teberî ra zaf rayan pawena û xebatêy xo zafînaya. Hinî eyseno ke rayêy ke teberî ra yenêy semedê qedera weçînayişî aşkera bikera muhîm a. No semedî ra AKP bi heme hêza xo seferberî îlan kerda û şerê ke esto qezenç bikero.
Ewropa de weçînayiş gulanî de dest pê keno. Yanê zey Tirkîyayî 7’ê hezîranî de rojeke tenê nîyo. Heteke bînî ra kesêy ke teberî ra do rayan bierzêy balyozxaneyan de, berêy sînoran de zî do bişikyê aşmeke rayan bierzêy.
Warêteya HDPî bikerêy
Lazimo ke ma taybeteya weçînayişê 7’ê hezîranî ya herî muhîmî ser de bivinderêy. Wa heme kesîy bizanêy ke no weçînayiş zey referandûmî yo û bi ey hawayî têkoşîn yeno viraştiş. Ey semedî ra 7 hezîranî de rayeştiş wezîfeyê heme kesan o. Lazimo ke heme kesêy ke raşteyî pawenêy verê xo biderêy HDPî ke serkewtişê HDPî weş û geş bibo.
Ewropa gere xo kilîtê HDPî bikera
No semedî ra zafêrîya sazgey û komeleyî zilm û koçkerdişê ke kurdan û zilma ke înan ser de beno neheqî vînenêy ra ardima xo kurdan ser de weş û geş kenêy. Veng danêy şaran ke rayê xo bierzêy û dormeyê xo bi rayvistiş bikerêy. Nêy şaran mîyan de kurdîy, tirkîy, ermenîy, suryanîy, erebîy, elewîy û sunî ya herî muhîm zî têkoşîna cenî û ciwanan ra veng danêy ke rayê xo biderêy HDPî.
Wa kes nêvajo ke ez ray merzî çîyê nêbeno. 7’ê hezîran zey demeke şoreşî yo. Belî nêkeno bi rayeke vinîkerdiş do merdimî qahr bikero. Vernîyanê ma ardê ziwan ke “çilk bi çilk gol beno.” Wa ma weş bizanêy ke her ray çilkeke awe ya.
No semedî ra lazimo ke heme welatperwerîy çimakerde û xebatke weş rayîra biberêy û çalak bivinderêy.
Wa tu kes nêkûro pey nêxerçkerdişê raya xo. Wa zor bidê dormeyê xo zî ke wa bişêrêy rayan bierzêy.
Lazimo ke hetakêy demokratîka xoser bonê partîyê xo veng nêternêy û her tim oca de bi nobedarî kar bikerêy.