Çimê domananê înan zî di Kobanê de yo. YPGij Zeyad Xalîp peynî xo ra 4 domanê xo verada û verba çeteyê DAIŞî şerkerdişî rê şî çeperî. Nika cenî û domananê ey Şaristanê Kone ya Kader Ortakkayaye de manenî. Rewşa mêrde xo ser Fatma Edîlrîzag vat ke sifteyinî şer ra nika mêrdeyê a verba El Nusra, DAIŞ û sewbî hêzê deqker de têkoşîn dano û wina vat: “Mêrdeyê min sozê pakkerdişî DAIŞî da. Ma verba çeteyê DAIŞî nêçare Pirsûse vîyartî. Nika mêrdeyê min welata ma verba çeteyê DAIŞî pawiyeno û no zî min çimeyê rûmet o.”

Êdî Kobanê firaz a
Edîlrîzag aşkera kerd ke domananê a her tim pîyê xo persenî û wina dewam kerd: “Ma bawerî ke qet gonî şehîdê ma di erdî de nêmano. Ma verba çeteyê DAIŞî qet milê xo çewt nêkerî. Nê çeteyan dîy ke kurd qet verba înan milê xo çewt nêkeno. Nika ra pey kesekê bifikro ma ra hêriş bikero, hişyar bibo. Çimkî kurd verên kurd nîyo. Hêzê YPG/YPJ nûrê çimê ma yê. Şehîdê ma seba axê xo bi gonî xo na welate pawitî. Êdî Kobanê seba ma û hemekurdan cayekê firaz a.”

Kênaya Zeyad Xalîdî, Leyla Zeyad vat ke a zaf berîya pîyê xo kerda, eke YPG nêbîynê do çeteyê DAIŞ sareyê înan bibirnaynê û a zaf wazena pîyê a tepa biagêro.

RIHA