Cinîye Çewlîgîj zî bi wesîleyê 8ê Adare Roja Cinîyê Kedkarî yê Cîhanî bana HDP yê sûk de are bî û kombîyayîşê çapemenî viraştî. Hemseroka HDP yê sûk Zerîn Berdibek ke damûstayîn da aşkere kerd, zey cinîye Çewlîg iyê dê referandûmî de vajê ‘Nê’.
Berdibek hayr ant şîdeto vera cinîyan ser û aşkere kerd ke mane û muhîmîya 8’ê Adare têkoşîna înan roşnî kena.
îxtîdara sîyasî şîdetî teşwîq kena
Zerîn Berdibek hayr ant tarîxê vejyayîşê 8ê Adare ser û dazonayîş ke rîwalê sîstemê kedwerdî yê kapîtalîzmî, cinîyê ma raştê şîdetê malbatî yenê, îxtîdara sîyasî kî bi qanûnan kerdoxan pawena û paştî dana ci.
Berdibek eleqe ant referandûmî ser û da zonayen ke, îxtîdara sîyasî bi sebebo ke bireso emelê xo nika kî referandûmî ferzê şaran kena. Hemseroka HDP yê Çewlîg aşkere kerd ke iyê dê vûrnayîşê qanûna bingeyî ke raya azadî ya cinîyan gêna, qezencanê ci çin hesibnena rê, referandûmî de vajê ‘Nê’.
‘Ma dê vajê ‘Nê’
Zerîn Berdibek vist vîrî ke 16ê Nîsane de cinîyê HDP’yijî dê reya ‘Nê’ bidê û qiseyanê xo bi nê vatişan qedêna: “Ma îzahatê ke “Goştarîkerdişê muzîkî yê cinîyan, danistendiş, gureyîş, destdayîşê yew camêrdî, xo pay kerdenê terlike cinîyan ra kenê qedexe xo vîr ra nîkerd. Ma fetwayo ke hetê dîyanetî ame dayen ke ‘şehweto ke yew pî keynaya xo ra gêno heram nîyo’ xo vîr ra nîkerd. Nayî ra ma dê referandûmî de vajê ‘Nê’. Seba ke nê rojane tarîye açarnîme roşnî, ma dê OHAL, qanûna bingeyî, rejîmê yew kesî rê vajê ‘Nê’ û ‘Nê’yanê xo ma dê vêşêr bikerê.”
ÇEWLÎG