AKP, wextê weçinayîş cinîyan zê qerwaş dana şixulnayîş. Şew û roj nêverdena hewn bikerenê.

Hetê bîn ra zî, pêro zengîniyê Kurdan şalnena, la çend qurîşî-ayê pere zî yê Şarê Kurdê- dana cinîyan, pê nayê pereyan cinîyan xapnena û reye înan gena.
Wexto mîtînga zî virazena, reyna cinîyan seferber kena.
Xo ra seba laçîka cinîyan propagandayê sîyasî  kerd, hina reye înan kom kerd.
AKP, cinî zî mîyan de seba bibo desthilatdar pêronê çîyan dana şixulnayîş.
Wexto ke bena desthilatdar, herkes erzana kiştê ke.
Bi ewnênê pêronê liberalan antê kişte xo, pê înan propangadayê xo vila kerd.
Zeyîfê lîberan zî bibi, înan AKP’ê ra tayî pere girewtî û hina paşt da AKP.
Nika zî, lîberal eştî kişte ke, AKP kişte ke menda.
AKP, însanan zê teftal vînena.
Zê çaput vînena.
Seba desthilatdarîyê dana şixulnayîş dima ra erzena.
Eynî hina ewnêna cinîyan ra zî.
Cinîyan dana karkerdiş. Hestê cinîyan ra kaykena.
Pê cinîyan xo resnena însanan.
Pê cinîyan kewna zerrê pêro keyan.
Pê cinîyan pêro beran akena.
Cinîyan xapnena, pê înan zî şarê Kird xapnena.
AKP, hina kena ke zê wayîrê cinîyan vejîyana dana nişandayîş,  la raştî de înan seba desthilatdarîyê xo kena pird.
Dima ra pird rijnena.
Çîyo ke Çewlîg de bi, na raştîya.
AKP, Çewlîg de kewna keyê Şarê Kird, hususî ser cinîyan kar kena. Estê cinîyan ra kaykena û ancena kişte xo.
AKP, Çewlîg de ser Cinîyê Kird xo kena desthilatdar.
Zerrê Çewlîg de, reye ke AKP gena sera 65 reye cinîya yê.
Cinî nîbene AKP nêeşkena ewqas reyan bigero.
AKP, Çewlîg de weçînayîşê herême de zî hina kerd.
Cinî zê qerwaşî dayê karkerdiş, dima ra eştî kişte ke.
Yûcel Barakazî pê sextakari bi şaredarê Bîngol.
Dima ra se kerd?
Va ke, "Ti heqê cinîyan çîno ke, bibenê rêveber”.
No qisekerdişê dima ra Nurten Ertugrul’a AKP’yî meclîsa şaredarî ra îstîf kerd.
Va, "Mi weçînayîş de seba AKP şew û roj karker. Ez bê hewn menda. Şarê Kird zî wecînayîş de reye xo da mi û ez kerda temsîlarê xo. La reyna Yûcel Barakazî mi ra vano ti nêeşkenê rêveberî de ca bigerê.
La reyna ez heto peynîye AKP de manena”.
Nurten Ertugrul hina qisekena ke Yûcel Barakazî û AKP cîya kena.
La raştî de Yûcel Barakazî zî dişmenê cinîyayo, AKP zî dişmenê cinîya ya.
A raşt aya ke, Nurten Ertugrul AKP ra zî îstîfa bikero.