Rojnameger Denîz Firat hîrêyin serragêra qetilkerdişê xo de yena vîrarden. Têkoşîna ‘heqîqete vinî meke’ ke mîras verada her ke şino vila beno. 

Çeteyanê DAÎŞ, 3’ê Tebaxa 2014 de hêrîşê Şengal kerd û waştbî komkiştişêka gird virazê. DAÎŞî herzewbîn hêrîşê sûkeka Mexmur zî kerdbî.  Denîz Firat ke game bi game hêrîş taqîp kerd û dinya rê ciresna. Denîz 8ê Tebaxe de wexto ke xebera hêrîşanê DAÎŞ taqîp kerd, rîwalo ke parçeyekê topa hewanî îsabetê ci kerd, weşîya xo kerd vinî. Mîraso gird ke Gurbetellî Ersoz û Ayfer Serçeyan ra girotbî, rojnamegeranê pey xo rê terna. 

Denîz serra 1984 de qezaya Ebex ê Wan de dewa Xecê Xatun de amêbî dinya. Malbata ci rîwalê zextanê dewlet koçî Başûrê Kurdistan kerd. Waya Denîzê Binevş Reşîd verê xo dana hetê koyan. Aye ra dima zî Denîz û waya xo Sarya Reşo 15’ê Tebaxa 1992 de tewrê Têkoşîna Serbestî yê Kurd benê. Waya înan a bîn Binevş Sarya zî serra 1999 de pey înan ra şina. Waya gird Binevş Reşîd verîya pêrokînan tewrê  karwanê nêmerdan bena. Dima ra Sarya Reşo 8’ê Tebaxa 1999 de  herêma Metîna de şehît kewna. 


Bî şahid û bî vengê tarîxe 

Denîz bi hesretêka gird rayîra waya xo ra şina. Bi serran çapemenîya azad de gureyena. Bî şahid û bî vengê tarîxê ganî. Bi kamera û fotografkêşîya xo, her ca de maneya cuye qeyd kerd. Denîz zey waya xo Sarya roja 8’ê Tebaxe de şehît bî. 

Denîz jû cinîya ke heskerdoxa rengê kewe bî. Heskerdişê kewe bê guman heskerdişê dengizî ra amê. Hesreta ci ya vera Gola Wane zaf pîl bî. Denîz hesreta Wan, hesreta dengiz, hesreta welatê xo û hesreta azadî bî. Denîza ke emrê ci bi bi macirî vîyard, bi îmkananê xo wendiş û nuştişî mûsa. Herzewbîn bi kede û hewldayîşê xo rojanemgerî musîya. 


Pey rastîyan de didi cinî 

Denîz Firat herzewbîn embaza Nûjîyan Erhan (Tugba Akyilmaz) ke 3ê Adare de hêrîşê PDK yê vera Xanesor a Şengal de derbeyêka giran werd û 23ê Adare de şehît kewt, bî. Nujîyan perwerdeyê rojnamegerî Denîz ra girot bi. Domantîya Nujîyan û Denîz pîya vîyart. Hurdî cinî bi serran him pêra embaztî kerdî û him zî pey eynî heqîqetî de ray şî. Domantîya Nujîyan û Denîz pîya vîyart. 

Nika rojnamegerîya azad yê cinîyan her ke şina ser mîraso ke înan terna de game bi game gird bena.


 NAVENDÊ XEBERAN