Cinîyê karkerî Îzmîr de ewil keyeyê xo pak kenî, şamîya keyeyê xo virazenî û dima ra zî şonê keyeyê sewbîna kesan de xebetîyenî. Cinîyê ke xebetîyenî rincanî ver otobusan de rakewenî û 2 vardîyayan xebetîyenî. Nê cinîyan ra yewe zî Begî Turana (47) ke wayîrê 3 domanan a.
Turana ke şenikîya xo de Mêrdîn ra koçê Îzmîrî kerda, destpêkê qiseykerdişê xo de qala zor û zehmetîyê cuye kerde û wina va: “Ez hema 15 serreyî bîya bi berdêlî ameya zewicnayîş. Ez nêeşkaya ke mekteb biwana, cok ra ez hewl dana ke domananê xo bida wendiş. Mi seba wendişê domananê xo dest bi karê keyeyan kerd. Ez nizdîyê 6 aşman tekstîl de xebetîyaya, la tena mi pereyê 2 aşman girewt. Heta ereyê şewe zî ez xebetîyayêne.”
Heqê ma nîno dayîş
Turane qiseykerdişê xo wina qedênaye: “Ez 3 aşmî fabrîka de xebetîyaya, la nêweşî ver mi kar ra vetî. Badê nê hedîseyan mi karê pakkerdişê keyeyan kerde. 5 serrî yo ke ez tîya de xebetîyena. Destpêkê rojî de ewil ez karê xo kena, şamîya domananê xo virazena û dima ra zî ez şona sewbîna karan kena. Wexto ke ez agêrena keye, heta wextê rakewtişî reyna eynî karan keye de kena.
ÎZMÎR