Rayberê Şarê Kurdî Abdullah Ocalano ke nizdîyê 20 serrî yo Girawa Îmrali de binê tecrîdî de yo, serranê peyênan de tecrîdo ke girawe de yeno domnayîş ameyo girankerdiş. Bitaybetî xirabîyayîşê prosesê çareserîye ra dima destûr nêdîyêno ke Ocalan ti kesî reyde pêvînayîş bikero û 11ê Êlule ra nata ti xebere tira nîna girewtiş.
Tecrîd û îzolasyonî ver kurdî û dostê kurdan etirîyenî û payan ser o yî. Cinîyê kurdî ke Ermenistan de cuyenî, seba ke tecrîdo girankerde protesto bikerî, îzehetêk dayî. Cinîyan îzehet de Şehîdê Aşma Gulane vîr ardî û vatî ke tecrîdo ke Rayberê Şarê Kurdî Abdullah Ocalanî ser o yeno domnayîş, mîyanê kurdan de etirîyayîşêko gird virazeno.
Îzehet de bale ancîya ser rewşa prosesê tecrîdî ser û cinîyan dîyar kerdî ke ê wazenî Rayberê înan bireso azadîya xo.
ANF/ERÎVAN