Federesyonê Komeleyê Ciwanîya Sosyalîst (SGDF) peynîya hewteyo verên Stenbol de seba kombîyayîşê xo yê heyeto pêroyî yê 8. ame têhet. Heyeto pêroyî yê 8. de weçînayîş ame viraştiş û pero pîya 11 kesî ameybî weçînayîş, înan ra 6 kesî zî cinîyê ciwan î. Seba hemserekîya SGDFyî zî Ceren Çobane û Okan Danaci ameybî weçînayîş.
Hemserê ke ameybî weçînayîş Çobane û Danaciyî prosesê sîyasî û tevgerê ciwanî ser o qisey kerdî.
Danaciyî qiseykerdişê xo de serrgêra Qirkerdişê Pirsûsî ard vîr û wina va: “Tîya de heme ciwanê şorişgerî ameyê têhet. Ma do rêxistinê ciwanan yê bînan reyde zî pêvînayîşan bikerî. Ma hewl danî ke rêxistinbîyayîşê xo xurt bikerî. Finaka tewr baş zî akademîsyenê ke gure ra ameyî dûrîvistiş î. Universîte de faalîyetê grûbê cîhadîyan asan bîyo. Ma bi çeteyanê DAIŞî reyde ders vînenî.”
Xoverdayîşê cinîyan
Çobane zî bale ante sîstemê serekî û wina va: “Ciwanî do referandûmê serekî de bivajî nê. Çalakîyê cinîyan vernîya qebulkerdişê qanunê tecawizî girewt. Wexto ke merdim îqtîdarê AKPyî yê 14 serran ra ewnîyeno, o wext vîneno ke rêjîmêko zulmê cinîyan keno yo. Cinîyî xoser î. Ma do rojanê ameyoxe de polîtîkayanê xo plan bikerî. Cinîyî do bibî merkezê sîyasetî.”
ANF / STENBOL