Nobeta Ocalanî rê Azadîye ya ke bajarê Strasbourgî ya Fransa de vernîya Konseyê Ewropa (KE) de yena viraştene, no hewte hetê endamanê Tevgerê Cinîyanê Kurdan ê Ewropa TJK-E ra ameye dewrgirewtene.
Grûba ke roja Yewşeme nobete dewr girewte de Saadet Kûrane, Muzeyyen Orale û Xezal Mamedova ca gênê. Bi nameyê grûbe eşkerayîyêk ameye dayene û bale ameye antene muhîmîya Nobeta Azadîye ser û ame waştene ke wa Kurdê Ewropa wayîrê nobete bivejyî.
Çalakgêran vera qayûmanê ke bajaranê girdan ê Kurdîstanî de ameyî cakerdene zî reaksîyon da vat vera hêrişanê dewleta Tirkî do xoverdayîşê şarî ser bikewo. Endamanê TJK-E rolê cinîyanê mîyanê xoverdayîşî vist vîrî û ard ziwan ke ganî cinîyî hîna aktîf çalakîyan de cayê xo bigirê û semedê azadîya Ocalanî zî tewr zaf ê têkoşîn bidê.
Çalakîya Nobeta Azadîye ya ke 25ê Hezîrana 2012î ra nata yena domnayene, sey çalakîya tewr derge ya Kurdan yena zanayene û aşme de tewr tay rayêk hetê pabesteyanê TJK-E ra yena rayraberdene.
STRASBOURG