Rayberîya Kongreya Starî de vera dagîrkerîya dewleta tirk û çeteyanê ci de bi siloganê ‘Yan Efrîn yan Efrîn’ çadirî ronayî. Îdarekarê komun û meclîsan yê kantonê Efrîn û Şehba û xeylê kesî beşdarê çalakîye bîyî. Verfeka Efrînî ya Kongreya Starî Hevîn Silemane ronîyayîşê çadiran ser o melumat daye. Hevîn Silemane va ‘cinîyî seba Efrînî sere wedarnenî’ û wina domnaye: “Ma çarçewaya azadkerdişê Efrînî de na çalakîye daye dest pêkerdene. Ma na çalakîye de heta peynî hetê şarê Efrînî û şerwananê YPG û YPJyî de bibî.” Hevîn Silemane bale ante hêrişê çeteyan yê cinîyan ser û wina va: “Ma veng danî heme rêxistinanê cinîyan û heqanê merdiman ke wa vera nê hêrişan de bêveng nêmanî. Ma do tepîya biagêrî Efrîn Endama Koordînasyonê Kongreya Starî Hemîde Mihemed Omere zî bêvengîya hêzanê mîyanneteweyîyan daye vîr û wina va: “Na bêvengîye zî nîşan dana ke ê zî ortaxê înan î. Eke hewce bikero, ma do bedenanê xo zî vera dagîrkeran de bikerî sîper. Çimkî ma merdimê îradeyin î. Ez veng dana cinîyanê dinya ke wa vera kerdişanê teberê merdimîye yê dewleta tirk û çeteyan de vera xo bidî Efrîn û Şehba.”