Hukimatê AKP çarçoveyê polîtîkayê xo yê mezhepger û nijadperestî de warê alewîyan ê Terolarî de kampekê virazeno, la yeno zanayîş ke kampê AFAD de çeteyê DAIŞ, El Nusra û Ahrar El Şamî manenî. No ser zî kampê AFAD ra elewîyan qerqîzyenî ke înan ser qirkerdişêkî zey Qirkerdişê Gurgumî bêro kerdiş. Babete ser elewîyan qise kerdî.
Mazlum Çetîn: Dewleta Osmaijan ra nika elewîyan ser polîtîkayê qirkerdişî ameyo şuxilnayîş, hukimatê AKPe zî zey verênanê xo hewna wazena elewîyan qir bikera la no ray elewîyan rayvistkerdeyî no ser zî xover danî. Ma do serkewtişê xo bi serfirazî tacîdar bikerî.
Çeteyê AKP
Tulay Sarikabadayi: Ma dijî bextwaştoxan nîyî, çimkî ma bextwaştoxî çîyo weş zanenî. Ma zanenî ke kampê AFAD de çeteyê AKP zey DAIŞ û El Nusra manenî. Taybetî cenîyanê ma qerqîzyenî, çimkî ma nê çeteyan Kobanê de cenîyan ra se kerdî, bi çimanê xo dîyî. Wazenî bi çeteyan alewîyan bidê goçkerdiş.
Qirkerdişê newe
Firat Buluş: AKP wazena bi kampê AFADe elewîyan ser Qirkerdişê Gurgumî newe ra bido cuyayîş. Seba çimkerdişê elewîyan na projeya kampî vistî dewre. Ma ewta de kamp nêwazenî û dijî no kampî zî ma do xoverdayîşê xo bidomnî. Elîf Caner: Ma wazenî wa her kes xoverdayîşê ma ra hetkarî bidî, çimkî ma kampê AFADe nêwazenî.
Kamîya AFAD’î dîyar a
Ahmet Sarikabadayi: Ma dijî kampê AFADe vejîyenî, ma vînenî çiqas kesê xokiştox estî se înan ser kamîya AFADe vejîyeno, çimkî kampê AFADe de komê cîhadîst û selefî perwerde vînenî. Elewîyan Qirkerdişê Gurgumî ser tersenî û elewîyan no kampî ser zî qerqîzyenî.
Awrûpa paşt da xoverdayişê Terolar
Bi hezaran kesê ke vengê Hewldayîşê Gurgumî yê Awrûpa ser kom bîyî û kampê AFAD’î yê ke rejîmê AKP çarçoveyê polîtîkayê qirkerdişê kultir, komel û sîyasî de hewl dano heremê dewê kurdê alewîyî ke dewa Terolarî ya girêdayî Pazarcixê Gurgum’sî zî mîyan de ya, awan bikero şermizar kerdî. Elewîyan mesajê ‘Ê nêeşkenî bi qirkerdişan çokê şarê ma bişkinî” dayî.
HASAN YOLDAŞ