Bajarê Minbicî yo ke 1 serre û 3 aşmî verê amebî rizgarkerdiş, seba ke hîna tehlukeyî ser bajarî ra kêmî nêbî, Komîteya Pawitişî ya Meclîsê Şarî yê Minbicî dewreya Hêzê Xopawitişî daye destpêkerdiş.
Seba îlankerdişê Hêzê Xopawitişî, îdarekarê Komîteya Pawitişî, dezgehê sîvîlî û ciwanê ke do beşdar bibî, vernîya awanîya Komîteya Hêzê Xopawitişî de kom bîyî. Îzehetê îlankerdişî hetê Hemserekê Komîteya Pawitişî ya Minbicî Qasim Remoyî ra ame wendiş. Îzehet de ame vatiş ke no hêz seba pawitişê heme şaran yê Minbicî û komelêko azade, ehlaqî û demokratîke dest pêkeno.
Îzeheto fermî yê Komîteya Pawitişî de bale ancîyayo Hêzê Xopawitişî ser û esasê ke no hêz ser o ameyo awankerdiş. Îzehet de amancê nê hêzî ameyo vatiş. Dewamê îzehetî de ameyo vatiş ke ‘ê reya sifteyîne ya ke seba beşdarbîyayîşî bi nameyê Komîteya Pawitişî hêzêk akenî’ û îzehet wina peynî bîyo: “Wa ruhê şehîdan weş bo, ma birîndaran rê şîfaya leze wazenî û wa bicuyo biratîya şaran û Sûrîyeyêka azade û demokratîke.”
Îzehet bi sloganê ciwanê ke beşdarê Hêzê Xopawitişî yê Minbicî bîyî, qedîya.
MA/MINBIC