Welatijê bi nameyê Alî Çamli ciresna ke bi îmkananê xo bo zî ê do bananê xo newe ra bivirazî û wina verdewam kerd: “Ez bêxera Cizîr ti cayan de nêşkena cîf bigîra û ma bi bêçare Cizîrî ra vejyaybî. Werêkna ma nêvejyaynê, beno ke ma bişînaynê vernîya mergan bigirewtênê. Seba ke zirarêko gird bidî banan, taxan de bombe teqnayî. Her kerraya banê min de kedê min esto. Ez do newe ra biviraza.”Welatij Ayşe Aydemîr zî vat ke aye Cizîr de ameya dinya û weyra de bîya pîl û wina domna: “Ez bawer kena ke Cizîr newe ra bi awayo rengîn bêro awankerdiş. Ez badê ke zewejyaya ameya no banî û heme domanê min tîya de ameyî dinya. Ez do banê xo newe ra biviraza.”
Enqaz bo zî banê min o
Sêvê Tunç a ke bêçare banê merdimanê xo de manena va: “Enqaz bo zî tîya banê min o. Ma eyro dest pa newe ra viraştişî kerdî. Îmkanê ma zaf çinî yê, labelê ma dê dest bidî destê yewbînan û ma dê newe ra virazî.” Mahmut Arslan o ke badê rojê 30’in bêçare banê xo ra vejya zî dîyar kerd ke teberî ra o dest bi raştkerdişê banê xo kerdo û wina domna: “Tewr zaf dêsê teberî yê banan bi bombeyan ameyî teqnayîş, badê ke qedexe wedarîyay û ma amey min banê xo nêşinasna. Arslan’î vist vîrî ke îye de bananê xo newe ra înşa bikerî.”
ANF/ŞIRNEX