Qeleya xoverdayîşî, yê Berîvan û Mehmet Tûnçan Cizîr de zî Newroz bi slogana “Bicuwe xoverdayîşê Cizîre” amê bimbarek kerdîş. Cizîrijê ke ablûqeya polîsan ravêrnay herikyay qada Newrozî.
Qezaya Şirnex Cizîr ke 2016î de bi hedefê hêrîşanê wehşî yê dewlet, vindertişê xo yê azadîye ra tawîz nêda û bi coşeke gird Newroz bimbarek kerd. Cizîrijê ke seatanê sodir de Kasaphane, termînal û ver banê HDP de are bî, ablûqeya polîsan ravêrnay û bi wesayîtan şî qada Newrozî yê taxa Konakê. Welatijî bi cilanê xo yê neteweyî şî qada Newrozî. Cizîr de xêlê wendekarî nêşî mekteb û tewrê bimbarekînan bî.
‘Cêrzemînan xo vîra mekerê’
Maya Hemserokê Meclîsa Şarî yê Cizîrê Mehmet Tunç o ke wextê xoverdayîşê Cizîr de, cêrzemînan de şehît kewt Esmer Tunç zî bimbarekîye de qisey kerd. Esmer Tunç aşkere kerd ke a dayikanê ke bi zerrî veşayîye ra bi omidar a. Tunç veng da Kurdistanijan ke cêrzemînanê Cizîr xo vîra mekerê û destê xo bierzê wijdana xo ser û vajê ‘Nê.’
Welatijan bêmavên sloganê "Şehîd nêmirenê" “Bicuwe xoverdayîşê Cizîre”, “Bicuwe Serok Apo" berz kerdî. Cizîrîjan bi slogan û coşê xo cewabekê rind day hikûmeta AKP û reyna damûsnay ke Cizîr ti wext serreyê xo çewt nêkeno.
CIZÎR