Pîrozkerdişê Newroze teberê welatî de bêmabên domîyeno û bi beşdarbîyayîşêko gird Newroze yena pîrozkerdiş. Newroze Fransa, Almanya, Romanya, Îtalya, Avustralya û Swedî de bi kêfweşî ame pîrozkerdiş.
Welat û bajarê ke ameyî pîrozkerdiş:
FRANSA: Herêmê Grand-Estê Fransa, Strasbourg, Saînt Avold, Metz, Nancy û Mulhouse de roşanê xoverdayîşê Newroze ame pîrozkerdiş. Aktîvîteyî hetê Hereketê Cînîyan û Merkezê Komelê Kurdê Demokratîkan ra ame organîzekerdiş. Bi hezaran kurd, tirk û fransizî beşdarê Newroze bîyî. Pîrozkerdişî de Parlementero kehen yê HDPyî Kemal Aktaş, Temsîlkarê Partîya Komunîstî yê Fransa (PCF) Jacques Marchal û temsîlkarê Hereketê Cinîyê Kurdê Ewropa (TJK-E) qisey kerdî.
Nezdîyê 700 kesî beşdarê bî
DRAGUIGNAN: Bajarê Draguîgnanê Fransa de Newroze ame pîrozkerdiş. Pîrozkerdişî bi rêz girezgirewtişan dest pêkerd û sîyasetmedarê kurd Osman Îbrahîmî qisey kerd.
KONSTANZ: Newroze bajarê Konstanzî yê Almanya de zî ame pîrozkerdiş. Aktîvîteya Konstanzî hetê PYDyî ra ame organîzekerdiş û nizdîyê 700 kesî beşdarê pîrozkerdişan bîyî.
BUKREŞ: Bukreşê Roma de Newroze ame pîrozkerdiş. Tîya de sîyasetmedarê kurd Firat Ak û Berpirsîyarê PYDyî yê Ewropa Beşîr Akî qisey kerdî û bale antî xoverdayîşê Mazlum Dogan û Rojawanî ser.
Ganî her kes diktatorî rê vajo 'Nê'
ROMA: Paytextê Îtalya Roma de Newroze ame pîrozkerdiş. Endamê KCDK-E Murat Ceylan, komele û Şaredarê Îtalya tîya de qisey kerdî.
MELBOURNE: Bajarê Melbourne ya Avusturalya ra heta Parkê Coburg Golu mîhrîcan ame destpêkerdiş û marşê ‘Ey Reqîbî ame wendiş.
GOTEBORG: Bajarê Goteborgê Swedî de zî Newroze ame pîrozkerdiş. Temsîlkarê Partîya Çep û Merkezê Komeleya Kurdê Demokratîke qisey kerdî wina vatî: “Ganî dîktatorî û faşîzmê Erdoganî bêro vindarnayîş. Cok ra ganî her kes şêro sidoqan ser diktatorî rê vajo nê.”
ANF/BRUKSEL