Piştî çeteyên DAIŞ’ê li Mûsilê bermahî û şûnwarên dîrokî teqandin û hilweşandin, vê carê berê xwe dan bermahiyên Tedmir (Palmêra). Çeteyan hin peykerên dîrokî yên Palmêrayê ku îdia dikin bi kesekê re girtine, xirab kirin. Herwiha kesên ku hewl dan peyker bi qaçaxî derbixin, li pêşberî gel hatin îşkence kirin.
 Li gorî raporên ku çeteyên DAIŞ’ê li Helebê li ser malperên nêzî xwe weşandine, bendeke kontrolê ya çeteyan kesê ku hin peykerên dîrokî yên Tedmir li gel wî bûn û dixwestin derxîne derve, girtin. Çeteyan kesê girtine û peykerên hatine girtin, dewrî navenda darizandindê ya DAIŞ’ê ku navê ‘Dadgeha Îslamî’ lê dikin, kirin. Biryar hat dayîn ku ew kes were îşkencekirn û peyker werin şikandin.
 Çeteyên DIAŞ’ê bermayiyên dîrokî yên li mûzexaneya bajarê Mûsilê jî berî demekê hilweşandin û ji nav birin.
 Çeteyên DAIŞ’ê meha Gulana îsal bajarê Palmêra yê Sûriyê dagir kirin û hê jî di bin kontrola wan de ye.

 NAVENDA NÛÇEYAN