Konservatuarê Bajarî yê Aram Tîgranî ke bin banê Şaredarîya Bajarê Girdî ya Amedî de amebî ronayene, badê ke kayûm tayînê şaredarîye bi, amebi padayene. 490 kursîyer û 150 wendekarî bi Akademîya Ma Muzîkî perwerdeyê xo domna.
Emser 35 wendekaranê akademîye perwerdeyê xo temam kerd. Nê wendekaran ra yew zî Necîm Muhammed o. Muhammed 2014 de wexto ke DAÎŞî hêrişê Kobanê kerd mecbûr mend ke bi keyeyê xo koçê Amedî bikero. Muhammed ewil Merkezê Kulturî yê Cegerxwînî de perwerde dî, labelê dima ra derbasê Konservatuarê Bajarî yê Aram Tîgranî bi. Muhammedî ewil perwerdeyê udî, dima ra perwerdeyê kemanî dî.
Padîyayîşê konservatuarî ra dima Muhammed Ma Muzîk de dest bi perwerdeyê pîyanoyî vîneno. Muhammed perwerdeyê 4 serran ra dima sey pîyanocenî perwerdeyî qedêna. Muhammedo ke hêrişanê DAÎŞî ver remabi, nika do sey pîyanocenêk biagêro Kobanê. Muhammedî va ‘çîyê ke ez do Konservatuarê Aram Tîgran û Ma Muzîk de musaya, bimusna domananê Kobanê’ û wina domna. “Seba ke muzîka Kurdî aver şêro, ez do dersan bida domananê kobanêyijan. Ez do Kobanê bêmuzîke nêverda.”
MA / AMED