Dewa Dara Hênê Botyan de roja verî wextê ravêrnayinê wesayîta lejkerî de teqînayiş bi û dima ra pirodayişî destpa kerdî. Pirodayişan ra dima helîkopteran çormeyê dewanê Botyan, Mistan û Mirtazan bombevornayen kerdî. Netîceyê bombevornayenî de veş vejya. Herem de bombevornayen heta vizêr seatanê sodir dewam kerd. Herzexbîn xetê înternet û telefonî zî birîyay. Lejkeran dekewtiş û vetişê dewan de qontrolê kamî kerdî.
Vizêr seatanê dihîr de zî taxa Dara Hênê Ata de wextê ravêrnayişê wesayîta polîsan de teqînayiş bi. Goreyê zonayişan yew polîs bi dirbetin. Xêlê polîsî sewqê cayê bîyayiş bî. Tax girotîya bin eblûqa.
Çewlîg de veyve zî bî qedexe
Heto bîn ra, waliyê sûk da zûneyene ke, Çewlîg de veyveyê kuçeyan bî qedexe. Welatijê ke kuçeyan de veyvê virazê, derheqê înan de dawa bena a. Hûnca veyveyê ke cayanê giroteyî (qefilnayan) de benî zî, ganî nînan ra zî xeberê rayveranê dewlet bibo. Goreyê no qerarî Çewlîg şar bê desturê rayveranê dewlet nêeşkeno veyve bikerî.
ÇEWLIG