Girawa Îmralîyî ke Rayberê Şarê Kurd Abdullah Ocalan maneno de adir vejîya, çalaki û şermezarkerdişê şarî domyenê. Babete ser o Nuştoxo libyayij Dr. Cibrîl El Ibêdî qise kerd.
Dr. Cibrî El Ibêdî dîyar kerd ke Rayberê Şarê Kurd Abdullah Ocalan sembolê têkoşînê azadîya Kurd o, ard vîr ke Dewleta Tirk Ocalan ra cezaya îdamkerdişî da û wina vat: “Ocalan Tirk nîyo, vera mêtingerîya îşxalkaran vengê azadîye da la goreyê qanûnê Tirk ame dariznayiş. Armancê Dewleta Tirk kultur û ziwanê Kurdan çinkerdiş o. Ocalan vera ci her tim têkoşîn da. Vera Kurdan komplo ewro dest pê nêkerd. Çi heyfo ke vera Kurdan Dewleta Tirk çeteyê sey DAIŞ û EL Kaîdeyî ra hetkarî da.”
Ibêdî dest nîşan kerd ke goreyê qanûnî ke Ocalan girênêdanî, Ocalan ame dariznayiş, no zî suc o. Pare kerd ke sey Ocalan, Lîbya de Omer Muxtar zî ame dariznayiş, Omer Muxtar vera îşxalkerdişê Lîbyaye têkoşîn da û wina qedîna: “Qanûnî ke Omer Muxtar girênêdanî, Muxtar ame dariznayiş, ganî vera polîtîkayê Dewleta Tirk tecrîdî de, qewetê Mîyanêneteweyî Tirkîye ra teda bikê.”
ANHA/QAMIŞLO
Mitbaxê Kurdan da şinasnayîş
Keyeyê Edebîyatî ke hetê Weşanxaneyê Lîsî ra Mehleya Dîclekentî de ameyo akerdiş semedê daşinasnayîşê kulturê kurdan xebatan keno. Keyeyê Edebîyatî yê Amedî de na hewe semedê daşinasnayîşê mitxaxê Kurdan panelêk ame organîzekerdiş.
Şefê Gastronomî Alaaddîn Kiliç, o ke 37 serrîyo ke Amed de karê arayî keno, rojnameyan de dergeqê mitbaxê Amedî de nuşteyan nuseno, derga derg behsê mitbaxê Kurdan kerd. Alaaddîn Kiliçî dima ra cewab da persanê mêmanan. Terraqnayîş, qasê 2 saetî dewam kerd û sohbet atmosferêko weş de vîyart.
AMED